Logo

मेलम्चीको पानि आउन अझै डेढ वर्ष लाग्ने


काठमाडौं । मेलम्चीको पानी काठमाडौंसम्म ल्याउन राखिएको भाका पटक–पटक सरेको छ । पछिल्लो खानेपानी मन्त्री बिना मगरले राखेको भाका पनि पूरा भएन । बरु, ठेकेदार कम्पनी सीएमसी नै आयोजनाबाट बाहिरियो । त्यसयता आयोजनाको काम ठप्प छ ।

ठेक्का लिएको इटालियन कम्पनी सीएमसी काम छोडेर बाहिरिएपछि बहुप्रतीक्षित मेलम्ची खानेपानी आयोजनाको पानी काठमाडौं आइपुग्न अझैं कम्तिमा डेढ वर्ष लाग्ने भएको छ । करिब ५ वर्षसम्म काम गरेको सीएमसी बाहिरिएसँगै आयोजना काम ठप्प छ । भूकम्प र नाकाबन्दीका कारण ब्यहोरेको क्षति दावी गर्दा सरकारले नदिएपछि सीएमसीले ठेक्का सम्झौता नै तोडेको थियो । मेलम्ची खानेपानी विकास समिति बाँकी काम गराउन नयाँ ठेकेदार चयन गर्ने प्रक्रियामा छ ।

आयोजनामा गर्नुपर्ने महत्वपूर्ण काम बाँकी रहँदा सरकारी अधिकारी भने ठेक्का लागेको ६ देखि ९ महिनामा बाँकी काम सकिने दावी गर्छन । तर, अहिलेसम्म नयाँ ठेकेदार चयन गरिएको छैन् । नयाँ ठेक्का लाग्न पनि कम्तिमा ३ महिना लाग्छ । आयोजना चाँडै सक्न समिति ‘प्याकेजिङ’मा काम गराउने योजनामा छ ।

आर्थिक वर्ष २०५५/०५६ मा सुरु गरिएको आयोजना २७ अर्ब खर्चिएर सन् २०१३ मै सक्ने लक्ष्य थियो । तर, हालसम्म धेरै पटक भाका सारिँदा अहिलेसम्म २६ अर्ब खर्च भइसकेको छ । बाँकी कामको समेत खर्च जोड्दा आयोजनामा झण्डै ३२ अर्ब खर्च हुने छ । भाकासँगै व्ययभार थपिँदा काठमाडौंबासीको मेलम्चीको पानी पिउने आकांक्षा पनि क्रमशः टाढिदै छ ।

Key Alternative Media

Best selling an amazon. Buy now ! good for you

प्रतिक्रिया दिनुहोस्