बाँकेमा देउसी समूहबीच झडप हुँदा ९ घाइते, १० जना पक्राउ

नेपालगंज । बाँकेमा देउसी खेल्ने दुई समूहबीच झडप हुँदा ९ जना घाइते भएका छन् । जानकी गाउँपालिका–५ बनिया गाउँमा विहीबार राति १० बजेतिर दुई समूहबीच झडप भएको प्रहरीले बताएको छ ।

प्रहरीका अनुसार भैलो खेल्ने विषयलाई लिएर दुई समूहबीच विवाद सुरु भएको थियो । दुबै समूहका युवाहरुले रक्सी सेवन गरेका कारण विवादले झडपको रुप लिएको थियो ।

घाइते सबै नेपालगंज मेडिकल कलेजमा उपचार भएर घर फर्किसकेका छन् । प्रहरीले घटनामा संलग्न १० युवालाई प्रहरीले नियन्त्रणमा लिएको छ ।