गोरखा–२ मा १२,६१५ मतगणना : प्रचण्ड तेब्बर मतान्तरले अगाडि
मुन्धुमस्टार
प्रतिनिधिसभा सदस्यतर्फ गोरखा क्षेत्र नम्बर–२ मा १२ हजार ६१५ मतगणना गरिएको छ ।
अहिलेसम्मको मतगणनामा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ प्रतिस्पर्धी उमेदवारभन्दा तेब्बर मतान्तरसहित अगाडि छन् । प्रचण्डले सात हजार २२८ मत पाएका छन् । दोस्रो स्थानमा रहेका राष्ट्रिय स्वतन्त्र पार्टीका उमेदवार कवीन्द्र ब्ुर्लाकोटीले दुई हजार १० मतसहित पछ्याइरहेका छन् ।
यस्तै, नेकपा (एमाले)का उमेदवार अब्दुस मियाँ एक हजार ६९८ मतसहित तेस्रो स्थानमा छन् ।
गोरखा–१ मा राजेन्द्रको फराकिलो अग्रता
गोरखा क्षेत्र नम्बर–१ मा नेपाली कांग्रेसका उमेदवार राजेन्द्र बजगाईं मतान्तर फराकिलो पार्दै अघि बढेका छन् । अहिलेसम्म उनले एक हजार ८२१ मत पाएका छन् । एमालेका उमेदवार रामशरण बस्नेतले ४१९ मत ल्याएर उनलाई पछ्याउँदै छन् ।
