Logo

भारतिय मुलका ४२ वर्षका ऋषि सुनक बने बेलायतको नयाँ प्रधानमन्त्री


 

मुन्धुमस्टार डटकम – बेलायतको नयाँ प्रधानमन्त्रीमा ऋषि सुनक निर्वाचित भएका छन्। पूर्व मन्त्री पेनी मोर्डन्टले प्रधानमन्त्री पदमा प्रतिस्पर्धा नगरेपछि ४२ वर्षीय सुनक निर्वाचित भएका हुन्। बेलायतका राजा चार्ल्स तृतीयले सुनकलाई प्रधानमन्त्रीमा नियुक्त गरेका हुन्।

प्रधानमन्त्रीमा नियुक्त हुनुअघि सुनकलाई सरकार गठनका लागि बेलायती राजा चार्ल्स तृतीयले आमन्त्रण गरेका थिए। नयाँ प्रधानमन्त्रीका रूपमा सुनकले डाउनिङ स्ट्रीटको १० नम्बर बाहिर पहिलो मन्तव्य दिएका थिए। मन्तव्यका क्रममा सुनकले आफू हरेक तहमा इमान्दारिता, व्यावसायिकता र जवाफदेहिता हुने बताए।

सुनकले भने, ‘अविश्वसनीय उपलब्धीहरू’ को लागि बोरिस जोनसनप्रति सधैं कृतज्ञ छुँ। जोनसनको न्यानोपन र उदारताको कदर गर्नेछु।’ बेलायतकी प्रधानमन्त्री लिज ट्रसले ४५ दिनमै राजीनामा दिएपछि प्रतिस्पर्धामा रहेका सुनकलाई नेतृत्वमा आउने अवसर जुटेको हो। ट्रसले राजनीतिक कारण देखाउँदै पदबाट राजीनामा दिएकी थिइन्। बेलायतको इतिहासमा कम समय प्रधानमन्त्री हुनेमा लिज ट्रस पर्छिन्।

सुनक यस अघि तत्कालीन प्रधानमन्त्री बोरीस जोन्सनको पालामा अर्थ मन्त्री बनेका थिए। कोरोना कालमा सुनकले अर्थतन्त्रलाई सुधार गर्न योगदान पुर्‍याएको भन्दै उनको भूमिकाको प्रशंसा गर्ने गरिन्छ। उनी सन् २०१५ यता रिचमन्डको नर्थ योर्कशरको निर्वाचन क्षेत्रबाट सांसद बनेका थिए।

Key Alternative Media

‘मुन्धुम’ भनेको दर्शन हो भने ‘स्टार’ भनेको बिचार हो ।”

प्रतिक्रिया दिनुहोस्