Logo

पहिचान आन्दोलनमा नेता गोपाल किरातीसहित दर्जनौ पक्राउ


खोटाङ । पहिचानको हिमायति, पूर्वमन्त्री तथा देशभत्त समाजवादी मोर्चाको अध्यक्ष गोपाल किरातीसहित् एक दर्जन नेता तथा कार्यकर्ताहरुलाई प्रहरीले पक्राउ गरेको छ ।

नेकपा एमालेको संकल्प यात्रालाई कोशी प्रदेशमा प्रवेश रोक्ने अभियानमा रहेको पहिचानपक्षधरका नेता किराँतीसहित दर्जनबढी आन्दोलनकारीलाई पक्राउ गरेको किरात याक्थुङ चुम्लुङका केन्द्रिय महासचिव निरन्ति तुम्बापोले जानकारी दिइन् ।

आज नेता किरातीलाई खोटाङको हलेसीबाट प्रहरीले पक्राउ गरेको बताउदै उनले किराँतीसहित खोटाङ र भोजपुरबाट दर्जनभन्दा बढीलाई प्रहरीले पक्राउ गरेको बताइन् । किराँतीसहित राजेश राई, विजय रई, गन्जमान राई, उदिन राई, विदूर राई, मिना राई, दिनेश राई, पानामा राईलगायत पक्राउ परेको उदयपुरका पत्रकार राजेन्द्र दुष्टले जानकारी दिए । कोशी प्रदेशका प्रहरी प्रमुख डिआइजी राजेशनाथ बास्तोलाले नेता किराँतीसहित दशजना पक्राउ परेको पुष्टि गरे ।

मंसिर १४ गते महाकालीदेखि सुरु भएको नेकपा एमालेको मध्यपछाडी संकल्प यात्रा मंगलबार कोशी प्रदेशमा प्रवेश गर्दैछ । एमाले अध्यक्ष केपी ओली नेतृत्वको टोली उदयपुरको घुर्मीबाट कोशीमा प्रवेश गर्नेछ ।

एमालेको यात्रालाई अवरोध पुर्याउने उद्देश्यले पहिचान पक्षधरले अवरोध गर्ने चेतावनी दिँदै आएका छन् ।

Key Alternative Media

‘मुन्धुम’ भनेको दर्शन हो भने ‘स्टार’ भनेको बिचार हो ।”

प्रतिक्रिया दिनुहोस्