Logo

ओली एक्लैले नक्सा ल्याएँ भनेर झुटो कुरा गर्दैछन्- देउवा


प्रधानमन्त्री एवं नेपाली कांग्रेसका सभापति शेरबहादुर देउवाले कालापानी, लिम्पियाधुरा र लिपुलेक नेपाली भूमि हो भनेर संसदले एक मतले पास गरेको बताएका छन्।

आज दार्चुलाको गोकुलेश्वरमा सत्ता गठबन्धनको चुनावी सभालाई सम्बोधन गर्दै देउवाले नेकपा एमालेका अध्यक्ष केपी शर्मा ओलीले आफूले मात्रै पास गरेको जस्तो गरेर झुटा कुरा गरिरहेको आरोप लगाए।

‘कांग्रेस, माओवादी केन्द्र लगायतका सबै दल मिलेर एक आवाजमा संसदबाट पास भएको हो। अहिले ओलीले अरुले केही गरेकै छैन, आफूले मात्रै गरेँ भनेर झुटो कुरा गर्दैछन्,’ उनले भने।

केही दिनअघि ओली दार्चुला पुगेर गफ लगाएर फर्किएको आरोपसमेत उनको थियो। आसन्न प्रतिनिधिसभा र प्रदेशसभाको निर्वाचनले राष्ट्रलाई कुन दिशामा लैजाने भन्ने निर्णय लिने उनको भनाइ थियो।

‘अहिले धेरै किसिमका अफवाह फैलाउने काम भइरहेको छ। मुलुकलाई समृद्ध बनाउन गठबन्धन दल एकजुट भएर अघि बढेको छ,’ उनले भने।

उनले केही महिनाअघि दार्चुलामा नेपाल–भारत पक्की पुलको शिलान्यास भएको भन्दै उक्त पुल चाँडै निर्माण सम्पन्न हुने उनले बताए। ‘दार्चुलालाई तुइनमुक्त क्षेत्र घोषणा गरिनेछ। दार्चुला धेरै सम्भावना रहेको जिल्ला हो, यसको विकासमा हामी लाग्छौँ,’ उनले भने।

Key Alternative Media

‘मुन्धुम’ भनेको दर्शन हो भने ‘स्टार’ भनेको बिचार हो ।”

प्रतिक्रिया दिनुहोस्