खोटाङ, ओखलढुंगा र दैलेखमा ३ जना मृत अवस्थामा फेला
मुन्धुमस्टार
खोटाङ, ओखलढुंगा र दैलेखमा तीनजना मृत अवस्थामा फेला परेका छन् । खोटाङ, साकेला गाउँपालिका–१ साप्सु खोलाको बगरमा भोजपुर, भोजपुर नगरपालिका–१२ टक्सार का ४० वर्षीय राम कुमार राई मृत अवस्थामा फेला परेका हुन् । खोटाङ दिक्तेल रूपाकोट मझुवागढी नगरपालिका–९ निर्मलीडाँडास्थित ससुराली घर जान्छु भनि मंगलबार हिँडेकोमा घर नआएपछि खोजी गर्नेक्रममा उक्त बगरमा उनको शव आज फेला परेको हो ।
ओखलढुंगा, खिजिदेम्बा गाउँपालिका–१ बिमिरेस्थित लिखु खोलाको दहमा खिजिदेम्बा गाउँपालिका–३ घर भई सोही गाउँपालिका–१ स्थित सडकमा लेबर काम गर्ने ३७ वर्षीय झपटबहादुर सुनुवार मृत अवस्थामा फेला परेका छन् । दैलेख, दुल्लु नगरपालिका–३ चाखापाडा बस्ने ४६ वर्षीय भक्तिप्रसाद जैशी दुल्लु नगरपालिका–४ शान्तिबजारतर्फ जाने सडकमा मृत अवस्थामा फेला परेका छन् ।
