माओवादी केन्द्रको बागमती प्रदेश भेला हुँदै
मुन्धुमस्टार
नेकपा माओवादी केन्द्रको बागमती प्रदेश भेला आज हुँदैछ । भेलाको अध्यक्ष पुष्पकमल दाहाल ‘प्रचण्ड’ले उद्घाटन गर्ने कार्यक्रम रहेको सो पार्टीका केन्द्रीय प्रचार तथा प्रकाशन विभागका सदस्य लक्ष्मण खड्काले जानकारी दिएका छन्। भेलाबाट चुनावी योजनाका साथै पार्टीलाई चलायमान बनाउने सन्दर्भमा महत्वपूर्ण निर्णय लिइने उनको भनाइ छ ।
ललितपुरको गोदावरीमा प्रदेश परिषद्को विस्तारित बैठक तथा राजनीतिक प्रशिक्षण कार्यक्रमसहितको भेला हुन लागेको हो। आगामी वैशाखमा तय भएको स्थानीय तहको निर्वाचनको तयारी स्वरुप बागमती प्रदेशको भेला राखिएको हो ।
