अर्धनग्न अवस्थामा शरीरको भाग काटेको महिलाको शव भेटियो
मुन्धुमस्टार
भक्तपुरमा एक महिलाको शव फेलापरेको छ । गए राति चाँगुनारायण नगरपालिका–७, बागरेस्थित तरकारी खेती हुँदै आएको जग्गामा टिनको कच्ची टहराभित्र महिलाको शव फेलापरेको हो । अन्दाजी ३५/४० वर्षीया मृतक महिलाको पहिचान खुलेको छैन । उनको शव परालले छोपेको अवस्थामा भेटिएको हो ।
मृतक महिलाको घाँटी अगाडिको भागमा गहिरो चोट, शरीरका अरू भागहरूमा समेत काटेको चोटहरू र अर्धनग्न अवस्थामा रहेको जिल्ला प्रहरी कार्यालय भक्तपुरका डीएसपी राजु पाण्डेले जानकारी दिए । उनले भने, “हत्या भएको देखिन्छ । पहिचान गरिरहेका छौँ । थप कुरा पोस्टमार्टम रिपोर्टबाट पनि खुल्ला ।”उनले घटनाबारे थप अनुसन्धान भइरहेको बताए ।
