देश दौडाहमा एमाले
मुन्धुमस्टार
प्रमुख प्रतिपक्षी दल एमालेका अध्यक्ष केपी ओली पोखरा पुगेका छन् । एमाले गण्डकी प्रदेश कमिटीले आयोजना गरेको पार्टी प्रवेश कार्यक्रममा सहभागी हुने ओली सोमबार दिउँसो काठमाडौँबाट पोखरा पुगेका हुन् ।
मंगलबार एमाले गण्डकी प्रदेशस्तरीय कार्यकर्ता भेलालाई ओलीले सम्बोधन गर्ने कार्यक्रम छ। सोही कार्यक्रममा विभिन्न पार्टी परित्याग गर्ने नवप्रवेशीलाई उनले पार्टीमा प्रवेश गराउने तय भएको छ । एमालेले स्थानीय तहको निर्वाचनको तयारीसमेत सुरु गरिसकेको छ। सोही कारण ओली देश दौडाहमा लागेका छन् ।
यसअघि ओली सोमबार नवलपरासी पूर्वको मध्यविन्दु वहुमुखी क्याम्पस, कावासोतीको १६औं स्थापना दिवस समारोहमा सहभागी भएका थिए। उनले नवनिर्मित क्याम्पस भवनको उद्घाटनसमेत गरेका थिए ।
