उत्तम राईको गोलमा संकटा क्वार्टरफाइनलमा प्रवेश
मुन्धुमस्टार
उत्तम राईको गोलमा संकटाले आइतबार नेपाल पुलिस क्लबलाई १–० ले पराजित गर्दै झापा गोल्डकपको क्वार्टरफाइलनमा स्थान पक्का गरेको छ ।
झापा विर्तामोडको डोमालाल राजवंशी मैदानमा उत्तमले २१औँ मिनेटमा गरेको गोल संकटको जितमा निर्णायक बनेको हो ।
उत्तमले फोडे फोफनाको पासमा गोल गरेका हुन् । म्यान अफ दी म्याच घोषित फोफनाले ९ हजार ९९९ रुपैयाँ नगद प्राप्त गरे ।
संकटाले सेमिफाइलन प्रवेशका लागि अब थ्री स्टार क्लबसँग प्रतिस्पर्धा गर्नेछ । थ्री स्टारले सिधै क्वार्टरफाइलन स्थान बनाएको हो ।
लिग कम नकआउट प्रणलीमा खेलाइएको प्रतियोगिताको पहिलो खेलमा शनिबार सातदोबाटो युथले जावलाखेल युथ क्लबलाई पेनाल्टी सुटआउटमा ४–२ ले हराएको थियो ।
शनिबारबाट भएको प्रतियोगितामा दुई भारतीयसहित १० टोलीको सहभागिता छ ।
