माओवादीलाई कसैले सिध्याउन पर्दैन आफै सकिएर जान्छ – ओली
प्रमुख प्रतिपक्षी दल नेकपा एमालेका अध्यक्ष केपी शर्मा ओलीले माओवादी केन्द्र केही दिनमा आफै पतनमा जाने टिप्पणी गरेका छन् ।
प्रेस चौतारी प्रदेश १ को प्रथम अधिवेशनको आज उद्घाटन गर्दै ओलीले माओवादीलाई कसैले सिध्याउन नपर्ने भन्दै आफै सकिएर जाने बताएका हुन् ।
ओलीले माओवादी केन्द्रका अध्यक्ष पुष्पकमल दाहालप्रति कटाक्ष गर्दै उनलाई एमालेले सकेको नभई उनले चिनामा नै त्यस्तो भाग्य बोकेर आएको समेत बताएका छन् ।
साथै उनले माओवादीका अध्यक्ष प्रचण्डले पार्टी केन्द्रीय कमिटीको बैठकमा एमसीसी ठीक भएकाले त्यसको पक्षमा मत दिएका हौं भनेर भन्न नसकेको समेत बताएका छन् ।
केही वर्षअघि आफूले ‘पम्प’ लगाइदिएर अलि हावा भरिदिएकाले अहिलेसम्म माओवादी केन्द्र टिकेको ओलीको भनाइ थियो।
अध्यक्ष ओलीले माओवादी केन्द्रलाई मात्र नभएर एकीकृत समाजवादी प्रति पनि कटाक्ष गरेका छन्। उनले माधव नेपालको पार्टी बन्दै नबनी सकिने बताएका छन् ।
