सेयर बजारमा सेटिङमार्फत कारोबार हुन्छ , यो रोक्नुपर्छ – अर्थमन्त्री शर्मा
मुन्धुमस्टार
अर्थमन्त्री जनार्दन शर्माले नेपाली सेयर बजारमा सेटिङमार्फत कारोबार हुने गरेको उल्लेख गरेका छन् ।
बुधबार धितोपत्र बोर्ड र नेपाल स्टक एक्सचेञ्जका प्रमुखसँगको पत्रकार सम्मेलनमा अर्थमन्त्री शर्माले यस्तो बताएका हुन्।
उनले विभिन्न अध्ययन एवं रिपोर्टले पनि यस्तो देखाएको दावी गरेका छन् ।
सेयर बजारमा इन्साइडर ट्रेडिङ धेरै हुने गरेको भन्दै अर्थमन्त्री शर्माले यसलाई रोक्नुपर्ने बताए।
अन्य देशहरूमा आज किनेर आजै बिक्री गर्न सकिने प्रणाली रहेको भन्दै उनले नेपाली पूँजी बजारमा पनि यो भित्र्याउन पर्ने बताएका छन् ।
११ लाख सक्रिय लगानीकर्ता र ५० लाख बढी डिम्याट प्रयोगकर्ता बजारमा रहेको भन्दै अर्थमन्त्री शर्माले लगानीकर्ताको हितका लागि पूँजी बजार विकास गर्नु आजको आवश्यकता रहेको बताएका छन् ।
