धरानमा भेटिएको दिनेश सिग्देलको हत्यामा संलग्न भएको आरोपमा ३ जना पक्राउ
झापाको दिनेश सिग्देलको विभत्स हत्या गरी सुनसरीको धरान–४ मा फालेको अभियोगमा ३ जनालाई पक्राउ गरी अनुसन्धान सुरु गरिएको छ ।
विभत्स अवस्था हत्या गरी झोलामा पोको पारेर फालेको अवस्थामा फेला परेको उक्त शवको पहिचान भएसँगै प्रहरीले ३ जना संकास्पद व्यक्तिलाई पक्राउ गरी अनुसन्धान सुरु गरिएको इलाका प्रहरी कार्यालय धरानले जनाएको छ ।
प्रहरीका अनुसार सिग्देल बहराइनबाट २० पुसमा नेपाल फर्किएका थिए। काठमाडौँबाट उनी सिधै विराटनगरस्थित कान्छी श्रीमतीकहाँ गएको प्रहरी बताउँछन्।
त्यसैले पारिवारिक समस्या कारण उनको हत्या भएको हुनसक्ने आशंका गरिएको छ ।
प्रहरीले अनुसन्धानका लागि केही व्यक्तिलाई नियन्त्रणमा लिएको छ। थप अनुसन्धान जारी रहेको प्रहरीले जनाएको छ।
गत साता धरान–भेडेटार सडक खण्डमा पर्ने जंगलमा जेब्रा झोलाभित्र टाउको र त्यसको भोलिपल्ट त्यही ठाउँमा शरीर भेटिएको थियो ।
