चौथो स्थानमा वेस्ट ह्याम
मुन्धुमस्टार
जारोड बोवेनको दुई गोलप्रेरित वेस्ट ह्याम युनाइटेडले बुधबार राति नर्विच सिटीलाई २–० ले हराउँदै इंग्लिस प्रिमियर लिग फुटबलको चौथो स्थानमा उक्लिएको छ ।
बोवेनले ३६औँ मिनेटमा गरेको गोललाई भिडियो सहायक रेफ्रीले अफसाइड घोषित गरिदिएको थियो ।
तर, ४२औँ मिनेटमा भ्लादिमिर कौफलको पासमा बोवेनले हेडमार्फत गरेको गोलबाट वेस्ट ह्यामले अग्रता लियो ।
खेल सकिन सात मिनेट बाँकी हुँदा अर्थर मासुकुको पासमा बोवेनले अग्रता दोब्बर बनाए । जारी सिजन बोवेनको यो आठौँ गोल हो ।
जितसँगै आर्सनललाई दुई अंकले पछि पार्दै वेस्ट ह्याम चौथो स्थानमा उक्लिएको छ ।
वेस्ट ह्यामले २१ खेलबाट ३७ अंक जोडेको छ । एक खेल कम खेलेको आर्सनलको ३५ अंक छ ।
पराजित नर्विच सिटी १० अंकका साथ लिगको पुछारमा छ । नर्विचले २० मध्ये दुई खेल मात्र जितेको छ ।
