युनाइटेड एष्टन भिल्लालाई हराउँदै एफए कपको चौथो चरणमा
मुन्धुमस्टार
स्कट म्याकटोमिनीको गोलमा म्यानचेस्टर युनाइटेडले सोमबार राति एष्टन भिल्लालाई १–० ले हराउँदै एफए कपको चौथो चरणमा स्थान बनाएको छ ।
घरेलु मैदान ओल्ड ट्राफोर्डमा म्याकटोमिनीले आठौं मिनेटमा गरेको गोल युनाइटेडको जितमा निर्णायक बन्यो ।
म्याकटोमिनीले फ्रेडको क्रसलाई हेडमार्फत पोष्टको दिशा दिएका थिए ।
दोस्रो हाफमा एष्टन भिल्लाले दुई गोल गरे पनि भिडियो सहायक रेफ्रीले त्यसलाई मान्यता दिएन ।
जितसँगै युनाइटेडले अब चौथो चरणमा मिडल्सब्रोविरुद्ध खेल्ने भएको छ ।
एष्टन भिल्लाले एफए कपमा पछिल्लोपटक २०१६ मा तेस्रो चरण पार गरेको थियो । त्यसयता एष्टन भिल्लाले तेस्रो चरण पार गर्न सकेको छैन ।
