ट्रम्पले युरोपेली गल्फ रिसोर्टमा १० करोड डलर गुमाए
गल्फ उद्योगका लागि महामारी उत्तम नै साबित भइरहेको छ । तरपनि यसले पूर्वराष्ट्रपति डोनाल्ड ट्रम्पको व्यवसायलाई चाहिँ फाइदा पुर्याउन सकेन ।
२०२० मा मात्र उनले विदेशमा रहेका तीनवटा गल्फकोर्टमा करोडौँ डलर गुमाएका छन् ।
त्यस्तै यसमा बेलायत र आइरिस रिसोर्टको हिसाब पनि जोड्ने हो भने उनले १० करोड डलर भन्दा बढीको घाटा व्यहोर्नु परेको वित्तिय फाइलिङ्समा जनाइएको छ ।
ट्रम्पको युरोपेली गल्फ व्यवसाय साधारण क्लब होइन । र कोभिड–१९ का बेलामा गल्फरहरुले सामाजिक दुरी अपनाउँदै खेल्न सक्ने भएपनि यसबीच मानिसहरुले टाढाका गन्तव्य जान पाएनन् । यसैको नतिजा स्वरुप ट्रम्पको रिसोर्टले पनि आर्थिक रुपमा लगातार संघर्ष गर्नुपर्यो ।
ट्रम्पको सबैभन्दा चर्चित गल्फ रिसोर्ट हो टर्नबेरी । त्यहाँ चारपटक ब्रिटिश ओपन प्रतियोगिता भइसकेको छ ।
र उक्त सम्पति खरिद गर्नु अगाडि २०१४ मा ट्रम्पले ६ करोड ५० लाख डलर खर्च गरेका थिए ।
यति मात्र नभएर उनले विभिन्न मर्मत सुधारका कामका लागि अतिरिक्त ८ करोड डलर पनि खर्च गरेका हुन् ।
तर २०२० मा यो बन्द भयो जसले यसको मूल्य घटेर ९२ लाख डलर पुग्यो । जबकी यसको सञ्चालन मूल्य ४७ लाख डलर रहेको थियो ।
ट्रम्प अर्गनाइजेसनले बेलायत सरकारबाट ३२ लाख डलर क्षतिपूर्ति नपाएको भए अवस्था अझ खराब हुन सक्थ्यो ।
यसरी यो एउटा रिसोर्टले मात्र उनलाई ६ करोड ८० लाख डलरको घाटा गराएको हो ।
त्यस्तै आयरल्यान्डमा रहेको अर्को अन्तर्राष्ट्रिय गल्फ लिंक पनि त्यस्तै अवस्थामा रहेको छ ।
आइरिस रेकर्ड अनुसार ट्रम्पले २०१४ पछिदेखि सो सम्पतिमा २ करोड डलर खर्च गरेका छन् ।
त्यस्तै उनले अर्को १ करोड ३० लाख पनि लगानी गरेका हुन् । तर २०१४ देखि १९ सम्म १ करोड ४० लाख डलर घाटा खाइसकेका छन् ।
यसरी खरिद गरेदेखिको घाटाको हिसाब गर्दा १ करोड ८० लाख डलर हुन्छ ।
त्यस्तै स्कटल्यान्डमा खोलेको अर्को सानो गल्फ रिसोर्टले पनि उनलाई सोचेजति लाभ दिलाएन ।
उता मायामीकै रहेको रिसोर्टको आम्दानी पनि निरन्तर घटिरहेको मात्र देखिएको छ ।
ट्रम्पको स्वामित्वमा रहेका साना क्लबहरुले मात्र केही नाफा कमाएका छन् जुन सबै अमेरिकामा अवस्थित छन् ।एजेन्सी
