च्याम्पियन्स लिग फुटबल अन्तर्गत एट्लान्टा र भिल्लारियलबीचको खेल भारी हिमपातका कारण रोकिएको छ ।
बुधबार राति समूह एफ अन्तर्गत एट्लान्टाको मैदानमा भिल्लारियलसँगको खेल तय भएको थियो।
तर समूह चरणको अन्तिम खेल हुने एट्लान्टाको मैदान भारी हिमपातका कारण हिउँले ढाकिएपछि खेल बिहीबारका लागि सारिएको छ ।
नेपाली समय अनुसार बिहीबार राति पौने १२ बजेबाट खेल सुरू हुनेछ।
यो खेलको विजेता च्याम्पियन्स लिगको अन्तिम १६ मा पुग्नेछ।
यसअघि नै समूह एफबाट म्यानचेस्टर युनाइटेडले अघिल्लो चरणमा स्थान पक्का गरेको छ। भिल्लारियलको सात तथा एट्लान्टाको ६ अंक छ।एजेन्सी
