Logo

काम सकिएपछि कर्मचारीलाई फोन म्यासेज या इमेल गर्ने प्रवृतीलाई अ’वैध घोषणा


काम सकिएर घर पुगिसेपछि या कतिपय अवस्थामा छुट्टीका बेला पनि अफिसबाट ‘बोस’ को फोन आउने प्रवृत्ति सबैतिर व्याप्त नै रहेको छ ।

तर पोर्चुगलमा अब त्यस किसिमको व्यवहारलाई अ’वैध घोषणा गरिएको छ ।

हालै पारिद भएको नयाँ कानुन अनुसार कुनैपनि अफिसले कार्यस्थलको अवधि भन्दा बाहिर आफ्नो कर्मचारीलाई सम्पर्क गर्न पाउँदैनन् ।

यसमा फोन होस् या म्यासेज अथवा इमेल समेत गर्न निषेध गरिएको छ ।

उक्त कानुनमा भनिएको छ, “कर्मचारीको व्यक्तिगत जीवनलाई सम्मान गर्नुपर्छ । उनीहरुले आफ्नो खालि समय परिवारसँग बिताउन र आराम गर्न पाउनैपर्छ ।

त्यसैले यो नियमको कुनैपनि ढङ्गमा उल्लंघन भएमा व्यक्तिले गम्भीर कारबाहीको सामना गर्नुपर्ने र निश्चित जरिवाना समेत तिर्नुपर्ने बताइएको छ ।

२०१७ मा फ्रान्समा पनि यस्तै किसिमको नियम पारिद भएको थियो जसपछि फ्रान्सेली कर्मचारीहरुले अफिस बाहिरको समयमा कामबाट फोन आएमा त्यसलाई बेवास्ता गर्न पाउने भएका हुन् ।

पोर्चुगलको यो नयाँ नीति वास्तवमा घरबाटै काम गर्ने बढ्दो प्रवृत्तिको सम्बन्धमा रहेको थियो ।

पछिल्लो समय धेरै कर्मचारीहरुले आफ्नो इच्छा अनुरुप घरबाट काम गरिरहेका छन् ।

त्यसैले यो नियममा कार्यस्थलले आफ्ना कर्मचारीलाई घरबाटै काम गराउँदा आवश्यक पर्ने साधनहरु दिलाउने जिम्मेवारी पनि लिनुपर्ने भनिएको छ ।

जस्तै घर बसेर काम गर्दा हुने ग्यास, विजुलीको खपत लगायतका लागि कार्यस्थलले अतिरिक्त खर्चको व्यवस्था मिलाइदिनुपर्ने बताइएको छ

। यो कानुन पोर्चुगलको संसदमा अघिल्लो शुक्रबार मात्र पारिद भएको हो र यसै हप्तादेखि कार्यन्वयन भइसकेको छ ।एजेन्सी

Key Alternative Media

Best selling an amazon. Buy now ! good for you

प्रतिक्रिया दिनुहोस्