Logo

अर्जेन्टिनाको जितमा मेसीको गोल


लियोनल मेसीले गोल गरेको दिन अर्जेन्टिनाले आज बिहान दक्षिण अमेरिकी विश्वकप छनोट प्रतियोगितामा उरुग्वेमाथि ३–० को विजय हासिल गरेको छ ।

पेरिस सेन्ट जर्मेन (पीएसजी) का स्टार मेसीले यसअघिको अन्तर्राष्ट्रिय ‘ब्रेक’मा पेलेको कीर्तिमान तोडेका थिए ।

दक्षिण अमेरिकी फुटबलमा पेलेको नाममा सबैभन्दा धेरै ७७ गोल गर्ने कीर्तिमान थियो ।

मेसीले अर्जेन्टिनाको जर्सीमा ८० गोल गरिसकेका छन् । उनले बेलिभियाविरुद्धको खेलमा ह्याट्रिक गर्दै पेलेको कीर्तिमान तोडेका थिए ।

अर्जेन्टिनाबाट सबैभन्दा धेरै गोल गर्ने मेसीले ३८औं मिनेटमा गरेको गोलबाट घरेलु टोलीले अग्रता लिएको थियो ।

उनले जिओभानी लो सेल्सोको पासमा गोल गरेका थिए । ४४औं मिनेटमा रोड्रिगो डी पाउलले अर्जेन्टिनाको अग्रता दोब्बर बनाए ।

६२औं मिनेटमा लाउटारो मार्टिनेजले अर्को गोल थपेपछि अर्जेन्टिनाले सहज विजय हासिल गरेको हो ।

जितपछि अर्जेन्टिनाले छनोट प्रतियोगितामा शीर्ष स्थानको ब्राजिलसँग अंकदुरी घटाएको छ ।

ब्राजिल २८ अंकका साथ शीर्ष स्थानमा रहँदा अर्जेन्टिना २२ अंकका साथ दोस्रो स्थानमा छ । ब्राजिले आजै कोलम्बियासँग गोलरहित बराबरी खेलेको थियो ।

उरुग्वे १६ अंकका साथ चौथो स्थानमा छ ।

दक्षिण अमेरिकी क्षेत्रबाट शीर्ष चार टोलीले कतारमा अर्को वर्ष हुने विश्वकपमा स्थान बनाउनेछन् ।

एक टोलीले प्लेअफ खेल्नेछ । दक्षिण अमेरिकामा दश टोलीले राउन्ड रोबिन प्रणालीमा छनोट प्रतियोगिता खेल्नेछन् ।

अर्जेन्टिना पेरुविरुद्ध खेल्नेछ । उरुग्वेले ब्राजिलसँग प्रतिस्पर्धा गर्नेछ ।

पेरु आज बेलिभियासँग १–० ले पराजित भयो । चिलीले पाराग्वेलाई २–० ले हराउँदा भेनेजुएलाले इक्वेडरलाई २–१ ले हरायो ।

Key Alternative Media

Best selling an amazon. Buy now ! good for you

प्रतिक्रिया दिनुहोस्