Logo

निशानले गर्दा बाँसबारीको सहज जित


राजधानीमा जारी सहिद स्मारक ’बी’ डिभिजन लिग फुटबलमा बाँसबारी क्लबले सहज जित निकालेको छ ।

एन्फा कम्प्लेक्स सातदोबाटोमा आइतबार भएको खेलमा बाँसबारीले झम्सिखेल युथ क्लबलाई ४–० गोल अन्तरले पराजित गरेको हो ।

बाँसबारीको जितमा निशान सुनारले दुई गोल गरे । कमल खवास र अजय राजवंशीले एक एक गोल गरे ।

जितसँगै बाँसबारीले १० खेलमा २१ अंक जोडेको छ । बाँसबारी लिगको तेस्रो स्थानमा रहेको छ । झम्सिखेल १० खेलमा ६ अंक जोडेर ११ औं स्थानमा रहेको छ ।

यस्तै आइतबार नै भएको अर्को खेलमा श्रीकुमारी क्लबले जित निकालेको छ ।

एन्फा कम्प्लेक्स सातदोबाटोमा आइतबार भएको खेलमा श्रीकुमारीले नयाँबस्ती युवा क्लबलाई ४–३ गोल अन्तरले पराजित गरेको हो ।

श्रीकुमारीलाई जित दिलाउन आशिष राईले दुई गोल गरे । पम्बा योल्मु र विवेक पुनले एक एक गोल गरे ।

नयाँबस्तीका विवेक गुरुङ, साजन राई र सुमन राईले एक एक गोल फर्काए ।

जितसँगै श्रीकुमारीले १० खेलमा ११ अंक जोडेको छ । नयाँ बस्ती १० खेलमा १२ अंक जोडेर छैटौं स्थानमा रहेको छ ।

 

Key Alternative Media

Best selling an amazon. Buy now ! good for you

प्रतिक्रिया दिनुहोस्