Logo

प्रधानमन्त्री ओलीले अदालतलाई ध’म्की दिइरहेको छ : बाबुराम भट्टराई


पूर्वप्रधानमन्त्री एवम् जनता समाजवादी पार्टीका संघीय परिषद अध्यक्ष बाबुराम भट्टराईले प्रतिनिधि सभा पुनर्स्थापना हुँदैन भन्दै हिँडेर प्रधानमन्त्री केपी शर्मा ओलीले अदालतलाई ध’म्की दिइरहेको आरोप लगाएका छन्।

जसपाले विराटनगरमा आयोजना गरेको विरोध सभालाई सम्बोधन गर्दै  भट्टराईले प्रधानमन्त्रीको प्रतिनिधि सभा विघटनको कदमले संविधानलाई कोमामा पुर्‍याएको  पनि बताए।  ‘हुँदै नभएको अधिकार प्रयोग गरेर जसरी ओलीले कदम चाले त्यसले संविधानलाई कोमामा पुर्‍याएको छ’, उनले  भने, ‘सरकार बन्ने सम्भावना हुँदाहुँदै गरिएको विघटनलाई खारेज गरेर अदालतले संविधान जोगाउने थोरै विश्वास छ।’

तर, प्रधानमन्त्रीले अदालतलाई धम्की दिइरहेको उल्लेख गर्दै उनले थपे, ‘यसरी पुनर्स्थापना हुँदैन भन्दै अदालत धम्क्याउने काम बन्द हुनुपर्छ।’अदालतप्रति थोरै विश्वास रहेको भन्दै भट्टराईले यदि अदालतले प्रधानमन्त्रीको कदम खारेज नगरे सभामुखले प्रतिनिधि सभा बैठक बोलाउनु पर्ने पनि बताए।

‘योसँगै जनसंघर्ष अत्यावश्यक छ, त्यसका लागि हामी सबै दललाई  आह्वान गर्दछौं’, उनले भने। आफू पत्तासाफ हुने निर्वाचन प्रधानमन्त्री ओलीले नगराउने ठोकुवा गर्दै भट्टराईले मुसालाई फसाउन राखेको चारोको रूपमा चुनावको मुद्दा अघि सारिएको उनले बताए।

‘आफ्नै दुई तिहाइ खेर फाल्ने ओलीले चुनाव गराउलान् भन्ने भ्रममा बस्न जरूरी छैन’,उनले भने, ‘यो मुसा वा बाघलाई खोरमा फसाउन फालेको चारो मात्रै हो।’ प्रधानमन्त्री ओलीले नयाँ संविधानले निश्चित गरेको आदिवासी, जनजाति र दलितको अधिकार खोस्दै संघीयता नै खोस्न लागेको भन्दै सडकमा आउन सबैलाई अपिल पनि गरे।

Key Alternative Media

Best selling an amazon. Buy now ! good for you

प्रतिक्रिया दिनुहोस्