Logo

‘प्रेमगीत ३’ निर्देशक गुरुङको निधन


फिल्म निर्देशक तथा स्क्रिप्ट राइटर छेतन गुरुङको निधन भएको छ । मंगलवार विहान २ बजे काठमाडौंको मेट्रो अस्पतालमा उनको ४२ वर्षको उमेरमा निधन भएको निर्माता सन्तोष सेनले जानकारी दिएका छन् । लिभरमा समस्या देखिएपछि दुई दिन अगाडि उनलाई अस्पतालको आकस्मिक कक्षमा भर्ना गरिएको थियो । उनको उपचारको क्रममा निधन भएको हो ।

‘नोभेम्बर रेन, क्लासिक, ए मेरो हजुर ३’ जस्ता फिल्मको स्क्रिप्ट लेखिसकेका छेतन गुरुङ फिल्म ‘डम्बरुको डण्डीवियो’ बाट निर्देशनमा होमिएका थिए । उनी निर्देशित नयाँ फिल्म ‘प्रेमगीत ३’ प्रदर्शनमा आउन बाँकी छ । लकडाउनमा कारण यो फिल्म प्रदर्शनमा आउन नसकेपछि उनी केही महिनायता फिल्म ‘हुतुतु’ को तयारीमा थिए । यो फिल्मको उनी आफैंले निर्देशन गर्दै थिए ।

लभस्टोरी फिल्मको कथा लेख्न सिपालु मानिने निर्देशक गुरुङको फिल्म ‘डम्बरुको डण्डीवियो’ मा निर्देशकिय क्षमताको प्रशंसा भएको थियो । यद्यपि, फिल्म भने बक्सअफिसमा चलेन । उनी फिल्म ‘प्रेमगीत ३’ लाई लिएर निकै उत्साहित थिए । तर, यो फिल्म प्रदर्शनमा आउनुभन्दा अगाडि नै उनले संसारबाट विदा लिएका छन् । उनको निधनले नेपाली फिल्म क्षेत्रमा शोक छाएको छ ।

फिल्म ‘नोभेम्बर रेन’ को कथा, पटकथा र संवाद लेखेर छेतन गुरुङ फिल्म क्षेत्रमा भित्रिएका थिए । उनले पहिलो फिल्मबाटै उत्कृष्ट लेखकको अवार्ड उचालेका थिए । त्यस्तै, डेब्यू निर्देशित फिल्म ‘डमरुको डण्डीवियो’ बाट उनले कामना अवार्डमा नव-निर्देशकको अवार्ड जित्न सफल भएका थिए । उनले सन् २०१५ मा आएको फिल्म ‘आभाष’ को एक गीतमा संगीत समेत भरेका छन् ।

छेतनलाई यसरी सम्झन्छन् निर्देशक राउत  : नेपाली फिल्म क्षेत्रले राम्रो सम्भावना बोकेको लेखक तथा निर्देशक गुमाएको छ, छेतन गुरुङ । मंगलवार विहान २ गते काठमाडौंको मेट्रो अस्पतालमा अन्तिम सास लिएका उनको २०३५ साल माघ २२ गते जन्म भएको थियो । ४२ वर्षको उमेरमा संसार छाडेका उनले ‘डम्बरुको डण्डीवियो’ बाट निर्देशनमा डेब्यू गरेका थिए भने थुप्रै फिल्मको स्क्रिप्ट लेखिसकेका छन् ।

२०१४ मा आएको दिनेश राउत निर्देशित फिल्म ‘नोभेम्बर रेन’ को कथा, पटकथा र संवाद लेखेर उनी फिल्म क्षेत्रमा भित्रिएका थिए । उनलाई पहिलो फिल्मले नै कुशल लेखकको रुपमा पहिचान दिलाएको थियो । एनएफडिसी फिल्म अवार्डमा यही फिल्मबाट उत्कृष्ट लेखकको अवार्ड जितेका गुरुङले यसपछि ‘क्लासिक, डायरी, ए मेरो हजुर ३’ लगायतका फिल्मको स्क्रिप्ट लेखेका थिए ।

छेतनलाई यसरी सम्झन्छन् निर्देशक राउत

उनले लेखेका दुई फिल्म ‘नोभेम्बर रेन’ र ‘क्लासिक’ का निर्देशक दिनेश राउतले फिल्म क्षेत्रले एक प्रतिभावान व्यक्ति गुमाएकोमा दुःख व्यक्त गरेका छन् । छेतन गुरुङलाई सम्झँदै उनले फिल्मीखबरसँग भने- ‘ऊ एकदमै क्रियटिभ मान्छे हो । कसैको चित्त नदुखाउने, कसैको कुभलो नसोच्ने मान्छे थियो । सबैका लागि सबै राम्रो होस् भन्ने सोच्थ्यो । एकदमै सकारात्मक सोच थियो ।’

उनी छेतन गुरुङलाई इमोसनल फिल्म राम्रोसँग लेख्न सक्ने लेखक भन्न रुचाउँछन् । निर्देशक राउत भन्छन्, ‘ऊ आफू पनि इमोसनल मान्छे थियो । त्यसैले इमोसनल चीज उसले फिल गर्न सक्थ्यो र इमोसनल चीजलाई राम्रोसँग लेख्न सक्थ्यो । म उसको लेखन शैलीबाट प्रभावित छु ।’ तर, उनी आफ्नो स्वास्थ्यप्रति गम्भीर नभएका कारण आजको परिणाम आएको राउतको भनाई छ ।

उनको गएको चार दिन अगाडि छेतन गुरुङसँग अन्तिम पटक भेट भएको थियो । काभ्रेमा फिल्म ‘हुतुतु’ को स्क्रिप्टको छलफलका लागि उनीहरुबीच भेट भएको थियो । ‘काभ्रेबाट हामी सँगै आएका थियौं र उसलाई घर छाडेका थियौं । घर पुगेपछि ऊ फेरि भेटघाटका लागि निस्किएछ । एक दिन साथीसँग बसेर घर फर्किँदा स्वास्थ्य विग्रिएपछि अस्पताल लगिएको रहेछ,’ उनले भने ।

लेखक तथा निर्देशक छेतन गुरुङको असामयिक निधनले यतिबेला फिल्म क्षेत्रमा शोक छाएको छ । फिल्मकर्मी तथा दर्शकहरुले उनलाई सामाजिक सञ्जालमार्फत् श्रद्धाञ्जली अर्पण गरेका छन् । ‘प्रेमगीत’ सिरिजका निर्माता सन्तोष सेन ठकुरीले उनलाई आफ्नो जीवनको अद्दभुत मान्छे भनेका छन् । निर्देशक गुरुङले निर्देशन गरेको अन्तिम फिल्म ‘प्रेमगीत ३’ प्रदर्शनको पखाईमा छ । (फिल्मिखबरबाट)

Key Alternative Media

Best selling an amazon. Buy now ! good for you

प्रतिक्रिया दिनुहोस्