देशको सिमा खुम्चिएर वर-वर सर्दैछन रे “गजल”
मुन्धुमस्टार
आश कुमार राई
देशको सिमा खुम्चिएर वर-वर सर्दैछन रे
सिमानाको जंङ्गी पिलर रात,दिनै हराउछन रे।
विभिन्न ती बहानामा बिदेशिकै जमघट याहाँ
नेपालिको भाषा भन्दा अर्कै भाषा बोल्दैछन रे।
देशको सिमा खुम्चिएर वर-वर सर्दैछन रे।
राजनितिकै भर्याङबाट नेताहरु तल माथी
कालापानी सुस्ता,लिपु हेर्दा हेर्दै हराउछन रे।
देशको सिमा खुम्चिएर वर-वर सर्दैछन रे।
बिसुद्द यो मातृभाषा बोल्थे हिँजु मेची काली
अहिले भने जबर्जस्ती अर्कै भाषा सिक्दैछन रे।
देशको सिमा खुम्चिएर वर-वर सर्दैछन रे।
हराएका सिमा,पिलर खोज्छौं भन्थे नेताहरु
तिनैलाई दाउमा राखी सत्ता जोक्कर तान्दैछन रे।
देशको सिमा खुम्चिएर वर-वर सर्दैछन रे।
नेपाली ती कोशिहरु बिदेशिले बाँध हाल्दा
कोशिहरु तर्सिएर गाउँ-गाउँ भाग्दैछन रे।
देशको सिमा खुम्चिएर वर-वर सर्दैछन रे
सिमानाको जंङ्गी पिलर रात,दिनै हराउछन रे।
