नेपाल विद्यार्थी संघका अध्यक्ष राजिव ढुंगानाले संवैधानिक निकाय अख्तियारलाई नेकपा सरकारले आफ्नो भातृसंस्थाको रुपमाअगाडि बढाउन खोजेको आरोप लगाएका छन् । कांग्रेस उपसभापति विजयकुमार गच्छदारलाई ललिता निवास प्रकरणमा नियोजित रुपमा मुद्दा चलाएको विरोधमा शुक्रबार काठमाडौंको माइतीघरमा आयोजित प्रर्दशनमा ढुंगानाले भने, ‘संवैधानिक निकायलाई भातृसंस्था बनाउन खोजे आन्दोलनको आँधीबेहरी ल्याउँछौं, यो आँधीले वर्तमान सरकारमात्र होइन, तपाईहरुको अख्तियारलाई पनि बगाएर लान्छ ।’