किरामुमोले शेरबहादुर राईलाई सम्मान गर्यो, रामप्रसादको मृत्यु बारे गणेश अधिकारी यस्तो खुलसा
काठमाडौं-रामप्रसाद राईको सम्झना गर्दै नेकपा माओवादी (केन्द्र) निकट किराती राष्ट्रिय मुक्ति मोर्चाले बुधबार आयोजना गरेको ६९ औं सिंहदरबार विद्रोह दिवस कार्यक्रम हुँदै कम्युटर इन्जिनियर शेरबहादुर राईलाई डाक्टर उपाधी दिएको हो ।
उक्त कार्यक्रममा साहस राईको अध्यक्षतामा लेखक तथा इतिहासविद गणेश अधिकारी प्रमुख अथिति, नेकपा माओवादी (केन्द्र) अध्यक्ष गोपाल किराती बिशिष्ट अतिथी रहेको थियो । उत कार्यक्रम सन्चालन कार्यक्रम सन्चालन किरामुमोको सचिब मनिषा राईले गरेकी थिईन भने सम्मान पत्र किरामुमो उपाध्यक्ष सुमन बाङ्देलले पढेर सुनाएको थियो ।
सम्मान पत्र र पेटा ग्रहण लिन्दै शेरबहादुर राईले किराती राष्ट्रीय मुक्ती मोर्चालाई बिषेश धन्याबाद दिए । बिशेष ब्यक्ति जननायक रामप्रसाद राईको बिद्रोह गरेको दिबसमा सम्मान हुन पाउदा खुशी लागेको खोटाङ पाथेकामा जन्मिएको शेरबहादुर राईले बताए । त्यसै गरी लेखक तथा इतिहासविद गणेश अधिकारी भन्छन ‘००७ सालका क्रान्तिकारी योद्धा रामप्रसाद राईलाई सिंहदरबामै हत्या गरिएको बताएका छन् । जननायकका रुपमा चिनिने रामप्रसाद राईबारे बोल्दै अधिकारीले उनको मृत्युबारे अन्यौलता रहेपनि रामप्रसादसँगै जेल बसेका सहयात्रीहरुले सिंहदरबारमै हत्या गरिएको बताएको खुलासा गरेका हुन् ।
माघ ८ गते अर्थात् नेपालको राजनैतिक इतिहासमा एउटा बिर्सन नमिल्ने घटना भएको दिन । मुक्ति सेनाका अग्रणी योद्धा रामप्रसाद राई र डा. केआइ सिंहको नेतृत्वमा सिंहदरबार कब्जाको प्रयास माघ ८ गतेकै रात भएको थियो । नेपालको इतिहासमा राजा महाराजाले गरेको ‘कु’ बाहेक जनताको तर्फबाट सिंहदरबार कब्जा गर्ने प्रयास गरिएको पहिलो घटना विसं.२००८ माघ ८ गते रातिको हो ।
पुष्पकर शाक्यका अनुसार रामप्रसाद राईलाई हनुमानढोका पुलिस चौकीका तत्कालीन इन्चार्ज बलदेव उपाध्यायको कमान्डमा गएको रक्षादलका जवानहरुले गिरˆतार गरेको थियो । मुगाधन राई नयाँ खुलासा गर्दै भन्छन्- ‘मेरो, जंगवीर राई र सुरवीर राईका कमान्डमा धेरै मुक्तिसेना थिए । शुरवीर राईको कमान्डमा रहेको मुक्तिसेनाहरुले ले. रामप्रसाद राईलाई पक्रेर थुनेका थिए ।’
त्यसैगरी कार्यक्रममा नेकपा माओवादी केद्रका अध्यक्ष गोपाल किरातीले भने– ‘क्रान्तिकारीहरुका लागि रामप्रसादको जन्म र मृत्युभन्दा पनि सिंहदरबार विद्रोह मूख्य कुरा हो । त्यसैले उनीहरुले विद्रोह गरेको दिनलाई हामी सम्झना गरिरहेका छौं ।’
