आलमलाई जेल चलानको लागी रौतहटबाट मध्यरातमा नै अन्तै सारियो
मुन्धुमस्टार
रौतहट जिल्ला अदालतले जेल चलान गर्ने आदेश दिए लगत्तै मोहम्मद आफताब आलमलाई शुक्रबार मध्यरातमा काठमाडौं ल्याइएको छ । उनलाई ललितपुर स्थित नख्खु कारागारमा राखिएको छ ।
१२ वर्षअघि बम विस्फोट एवं ईंटाभट्टामा जिउँदै मानिस जलाएको आरोप लागेका आलमलाई शुक्रबार जिल्ला अदालतले पुर्पक्षका लागि थुनामा राख्न आदेश दिएको थियो । अदालतको आदेशपछि उनलाई गाडीमा हालेर राति १ बजेतिर नख्खु कारागारमा ल्याइपुर्याइएको हो ।
रौतहटबाट आलमलाई राति नै काठमाडौं पठाइएको रौतहटका प्रहरी प्रमुख एसपी भूपेन्द्र खत्रीले पुष्टि गरे ।
