‘ठुल्दाइ देश फर्किनुछ’ कबिता- गौतम सागर राई

कला/साहित्य

ठुल्दाइ देश फर्किनुछ

आफ्नै जन्म भुमिको

माटोमा छ सपना

त्यही कल्पिरहेको

हजार कल्पनाहरु

लेकका पाखाभरी

छरिएको पारिलो

घाँम संग सेकाउनुछ

ओसिएका मनहरु

अनी फुलाउनुछ

पखेराहरुमा

रातो गुराँस जस्तै

केहि रहरहरु हो ठुल्दाई !

देश फर्कनुछ ।

 

चौतारिको जोडी बर पिपलले

सोधिरहेको हुनु पर्छ

बटुवा हरु लाई वा

साथी संगी हरुलाई

गोठालो,खेतलाहरुलाई

बेशिखेत पनि कती

पिडामा होला

बाझो नचिरिएको कॉचो

माटो बन्नुपर्दा

अब त फुटाउनुछ भकना

बनाउनुछ कुलो

रोप्नुछ बेशिखेत

केहि गर्नुछ

आफ्नै देशको माटोमा

फुलाउनुछ ख़ुशी

हो ठुल्दाई !

आफ्नै देश फर्कनुछ ।

 

कबी राई, सोलुखुम्बु घर भई : हाल – अमेरिकाको कोलोराडोमा बस्नुहुन्छ ।