साउदीमा प्रवासी सवार बस र ट्रक ठोक्किँदा ३५ जनाको मृत्यु
मुन्धुमस्टार
साउदी अरबको मदिना प्रान्तमा बस र ट्रक ठोक्किँदा ३५ जनाको मृत्यु भएको छ ।
प्रहरीका अनुसार प्रवासीहरु चढेको बस अल-अखल क्षेत्रमा बुधबार साँझ करिब ७ बजेतिर ट्रकसँग ठोक्किएको थियो । बसमा ३९ जना रहेको मध्ये ३५ जनाको मृत्यु भएको प्रहरीले जनाएको छ ।
ट्रकसँग ठोक्किए पछि बसमा आगो लागेको थियो । मृत्यु हुनेहरुमा धेरैजसो एसियाली र अरब मूलका नागरिक छन् ।
घाइतेहरुलाई अल हमना अस्पतालमा भर्ना गरिएको छ ।
