सूर्यविनायक गुण्डुमा पाथिभरा माताको मन्दिर

समाचार

भक्तपुर । सूर्यविनायक नगर -पालिका गुण्डुमा पाथिभरा माताको मन्दिर स्थापना गरिएको छ । गुण्डुको ५ रोपनी क्षेत्रफलमा प्रसिद्ध पाथिभरा माताको ३५० केजीको अष्ट धातुबाट निर्माण गरिएको मन्दिरको प्राणप्रतिष्ठा गरिएको हो । ५ महीना लगाएर रु ११ लाखमा निर्माण गरिएको पाथिभराको मन्दिरको निर्माण सँगै भक्तपुरमा आन्तरिक तथा बाह्य पर्यटकको आवागमनमा वृद्धि हुने आयोजकले जनाएका छन् ।

मन्दिर निर्माणका लागि श्रीमद्देवी भागवत ज्ञान महायज्ञको समेत आयोजना गरिएको छ । पण्डितहरुले पाथिभरा वैष्णोदेवी मन्दिरको प्राणप्रतिष्ठा गरेका थिए । सांसद महेश बस्नेतले मन्दिरको उद्घाटन गरे ।