बैंककबाट नेपाल छिरेका १ यात्रुको साथमा ३ सय ८० ग्राम अवैध सुन अन्तर्राष्ट्रिय विमानस्थलबाट बरामत
मुन्धुमस्टार
३ सय ८० ग्राम अवैध सुन सहित त्रिभुवन अन्तर्राष्ट्रिय विमानस्थलबाट एक व्यक्ति पक्राउ परेका छन् ।
सुन सहित पक्राउ पर्नेमा कर्मा टासी रहेका छन् । टासीलाई त्रिभुवन विमानस्थल भन्सारमा चेक जाँचका क्रममा सोमबार नियन्त्रणमा लिइएको हो । टासी बैंकक बाट नेपाल वायु सेवा निगमको उडान मार्फत काठमाडौं झरेका थिए ।
त्रिभुवन भन्सार कार्यालय स्रोतले अवैध सुन सहित पक्राउ परेका टासी बारे अनुसन्धान भइरहेको जनाएको छ ।
त्रिभुवन अन्तर्राष्ट्रिय विमानस्थल भएर लामो समय देखि अवैध सुन भित्रिने गरे पनि नियन्त्रणमा आउन सकेको छैन ।
