Logo

आफूखुशी फोहोर सङ्कलन गर्दा राजश्व गुमेको तथा समन्वय नभएको भन्दै महानगरपालिकाले निजी संस्था दर्ता गर्दै


काठमाडौं महानगरपालिकाले महानगरभित्र फोहोर सङ्कलन गर्ने निजी संस्थाहरुलाई दर्ता गर्ने भएको छ ।

निजी संस्थाले आफूखुशी फोहोर सङ्कलन गर्दा राजश्व गुमेको तथा समन्वय नभएको भन्दै महानगरपालिकाले निजी संस्था दर्ता प्रक्रिया अघि बढाउन लागेको हो ।

अहिले निजी कम्पनीले दैनिक ८० देखि १०० टिपर फोहर सिसडोलमा विसर्जन गर्दै आएका छन् । उनीहरुले त्यसरी विसर्जन गरेको फोहरवापत काठमाडौँ महानगरपालिकालाई प्रतिटिपरको रु ३५० बुझाउने गरेका छन् । उनीहरुले दिने सेवा र लिने शुल्कमा एकरुपता ल्याउनका लागि पनि सूचीकृत गर्न लागिएको महानगर वातावरण विभाग प्रमुख हरिकुमार श्रेष्ठले बताए ।

‘हामी छिट्टै नै निजी संस्थालाई सूचीकृत गर्न शुरु गर्नेछौँ’, उनले भने ।

महानगरपालिकाका ३२ वडामध्ये अहिले ८ वडामा महानगरपालिका आफैंले र २४ वडामा निजी संस्थाले फोहोर सङ्कलन गर्दै आएका छन् । कतिपय संस्थाले फोहोरको वर्गीकरणसमेत शुरु गरेको उनले बताए । उनले भने, ‘फोहोरको दीर्घकालीन व्यवस्थापनका लागि वर्गीकरण मात्रै विकल्प भएकाले त्यसमा पनि उनीहरुसँग मिलेर काम गरिनेछ ।’

काठमाडौं महानगरपालिकाले दैनिक ३५० मेट्रिकटन फोहर आफैँ सङ्कलन गरेर सिसडोलमा व्यवस्थापन गर्दै आएको प्रमुख श्रेष्ठले जानकारी दिए । सो कार्यका लागि महानगरपालिकासँग आफ्नै २१ टिपर छन् । काठमाडौँ उपत्यकाका १८ पालिकाले सिसडोलमा फोहर विसर्जन गर्दै आएका छन् । सरकारले फोहर विसर्जनका लागि नुवाकोट जिल्लाकै बञ्चरेडाँडामा ल्याण्डफिल साइट निर्माण गरिरहेको छ ।

Key Alternative Media

Best selling an amazon. Buy now ! good for you

प्रतिक्रिया दिनुहोस्