युवा नेताहरु सम्मानित
-राजु बिक्रम चाम्लिङ
कम्युनिष्ट पार्टीहरुको एकता प्रक्रिया अगाडीबढेसँगै देश समृद्धि उन्मूखतर्फ लम्किरहँदा पार्टी एकताको प्रक्रियाहरु अन्तिम चरणमा पुगेका छन् । पार्टीको एकतासँगै युवासंगठन तथा अन्य भातृ संगठनहरु पनि एकताको क्रम तिब्र रुपमा अगाडी बढी रहेको छ ।
यसै क्रममा पूर्व नेकपा माओवादी केन्द्रको युवा संगठन वाईसियल नेपाल र पूर्व एमालेको युवा संगठन युवा संघ नेपाल एकता भई बनेको युवा संगठनको संयोजक जस्तो महत्वूपर्ण पदमा जिम्मेवारी तत्कालिन वाईसियल नेपालका अध्यक्ष रामप्रसाद सापकोटा क. (दीपशिखा) तथा नेकपाको केन्द्रिय सदस्यको समेत जिम्मेवारी पाउनु भएको साथै युवा संगठनको सह–संयोजकमा तत्कालिन युवा संघ नेपालका अध्यक्ष रमेश पौडेललेपाउनु भएको उपलक्ष्यमा पूर्व वाईसियल नेपाल प्रदेश नं.१ को तर्फबाट सम्मान कार्यक्रमको आयोजना सम्पन्न गरेका छन् ।
निश्चय नै युवा परिबर्तनका संवाहक हुन, आजको युवाले नै भोलीको नेपाल समृद्धि उन्मूख निर्माण गर्नमा मुख्य भुमिका खेल्न सक्नु हुनेछ । यही जिम्मेवारीका साथ भोलीको नेपाल निर्माणमा उल्लेखनिय भूमिका खेल्न सकोस भन्ने हेतुले सम्मान कार्यक्रम राखिएको प्रदेश नं.१ पूर्व वाइसियल नेपालका इन्चार्ज तथा केन्द्रिय सचिव पूर्ण भुजेल (चिन्तन) ले बताउनु भयो ।
सम्मान कार्यक्रममा पूर्व वाईसियल अध्यक्ष डमर पुलामी (कर्मा) लगायत सचिवालय सदस्यहरु, केन्द्रिय सदस्इहरुको उपस्थिति रहेको थियो ।
