भारतको पाकिस्तानलाई विशाल लक्ष्य : भारत v/s पाकिस्तान हेड-टू-हेड यस्तो
एजेन्सी – ओपनर रोहित शर्माले उत्कृष्ट शतक प्रहार गरेसँगै एक दिवसिय विश्वकप क्रिकेट प्रतियोगिता भारतले पाकिस्तानलाई ३ सय ३७ रनको विशाल लक्ष्य दिएको छ ।
टस हारेर पहिला ब्याटिङको निम्तो पाएको भारतले निर्धारित ५० ओभरमा ५ विकेटको क्षतिमा ३ सय ३६ रन बनायो । उसका लागि ओपनर रोहित शर्माले उत्कृष्ट शतक प्रहार गरे । ३९ ओभरको दोस्रो बलमा हसन अलीले वहाब रियाजबाट क्याच आउट गराउनु अघि रोहितले १ सय १३ बलमा १४ चौका ३ छक्का प्रहार गर्दै १ सय ४० रनको शतकीय योगदान दिए ।
रोहितले ८५ बलमा आफ्नो वान डे करियरको २४ औं शतक पुरा गरेका थिए । ३० ओभरको अन्तिम बलमा सादव खानलाई १ रन प्रहार गर्दै विश्वकपमा तेस्रो शतक पुरा गरे । रोहितको जारी विश्वकपमा यो दोस्रो शतक समेत हो । यस अघि रोहितले दक्षिण अफ्रिकाविरुद्ध पनि शतक प्रहार गरेका थिए ।
त्यस्तै कप्तान विराट कोहलीले ७७ रनको महत्वपूर्ण योगदान दिए । मोहम्मद आमिरको ४८ ओभरको चौथो बलमा ठूलो शट खेल्ने धुनमा कट हुन पुग्दा विकेटकीपर शरफर्राज अहमिदले क्याच आउट गरे । कोहलीले ६५ बलमा ७ चौका प्रहार गरे ।
त्यस अघि पहिलो विकेटका लागि ओपनर केएल राहुल र रोहित शर्माले २३.५ ओभरमा १ सय ३६ रनको साझेदारी गर्दै उत्कृष्ट सुरुवात दिलाए । राहुललाई वहाब रियाजले बाबर आजमबाट क्याच आउट गराउनु अघि ७८ बलमा ३ चौका र २ छक्का सहित ५७ रनको योगदान दिए ।
हार्दिक पान्ड्याले २६,महेन्द्र सिंह धोनी १ रनमा आउट भए । विजय शंकर १५ र केदार जाधव रनमा ९ रन अविजित रहे ।
पाकिस्तानका लागि मोहम्मद आमिरले १० ओभरमा १ मेडन सहित ४७ रन खर्चेर ३ विकेट लिए । त्यस्तै वहाब रियाज र हसन अलीको नाममा समान १ विकेट रह्यो ।
आईसीसी एकदिवसीय विश्वकप क्रिकेटमा आज भारत र पकिस्तानबीच निकै महत्वपूर्ण खेल हुँदैछ ।
म्यानचेस्टरको वल्ड ट्रफोर्डमा हुने खेल नेपाली समयअनुसार आज (आइतबार) दिउसो ३ बजेर १५ मिनेटमा सुरु हुँदैछ । विश्वकप क्रिकेटमा हालसम्म अपराजित भारतलाई हराउने दाउमा छ पाकिस्तान । ६ पटकसम्मको विश्वकपमा भारतले आफ्नियो पक्षमा मात्र खेलको नतिजा राख्न सफल भएको छ ।
आजको खेल वर्ल्डकपको २२ औं खेल हो । भारत-पाकिस्तान दुवै टिम यो मैदानमा २० बर्षपछी आमने-सामने हुँदैछन् । पछिल्लो अटक टीम इन्डिया ४७ रनले बिजेता बनेको थियो । पछिल्लो पटक च्याम्पियन्स ट्रफीको फाइनलमा पाकिस्तानले भारतलाई १८० रनले पराजित गरेको थियो । विराट कोहलीले वर्ल्डकपमा पाकिस्तानबिरुद्ध आफ्नो टीमको कप्तानी सम्हाल्दैछन् । उनि अघि मोहम्मद अजरुद्दीन, सौरव गांगुली र महेन्द्र सिंह धोनीले पाकिस्तान बिरुद्ध कप्तानी सम्हालीसकेका छन् । जसमा सबैको कप्तानीमा पाकिस्तान विरुद्धको खेलमा भारतले जित हाँशिल गरेको रेकर्ड छ ।
दर्शकहरुलाई चार बर्ष पछि यो खेलको पर्खाई रहनेछ, तर उनीहरुको आशालाई आजको खेलमा बर्षाले रोक्न सक्ने सम्भावना छ । एक मौषम सम्बन्धि वेब साइटको अनुसार, म्यानचेस्टरमा आज बर्षाको ६३% सम्भावना छ । यदी बर्षा भएमा खेल प्रभावित हुनेछ । उक्त मैदानमा वर्ल्डकपको पहिलो खेल हुँदैछ ।
भारत-पाकिस्तान म्याच रद्द भए २२४ करोड नोक्सान हुन सक्छ
यदी बर्षाको कारण आज भारत-पाकिस्तानको खेल रद्द भएमा स्पोन्सर (प्रायोजक) हरुलाई यो एकै म्याचको २२४ करोड (भारु १४० करोड) नोक्सान हुन सक्छ । अहिलेसम्म बर्षाको कारण ४ खेल रद्द भईसकेको छ । यसको कारण १६० करोड (भारु १०० करोड)को घाटा भएको छ । खेलको क्रममा विज्ञापनको लागि १० सेकेन्डको एक पटकको बिज्ञापन रेट २.५६ लाखदेखि २.८८ लाख रुपया छ । जबकि भारत-पाकिस्तानको म्याचको रेट बढेर प्रति १० सेकेन्डकै ४ लाखसम्म पुगेको छ ।
प्रायोजकले विज्ञापनको कुल हिसाको ५०% राशि भारत-पाकिस्तानको खेलमा खर्च गर्दै
यो खेलको लागि विज्ञापन स्लट एडवान्समा बुक गरिएको छ । केहि प्रायोजकले विज्ञापनको कुल हिस्सा मध्ये ५०% राशि भारत-पाकिस्तानबीच हुने खेलको लागि लगाएका छन् । स्टार स्पोर्ट्सले खेलको क्रममा देखाउने बिज्ञापनको लागि ५५०० सेकेन्डको स्लट तय गरेको छ । यसले स्टार स्पोर्ट्सलाई २२४ करोडसम्म कमाई हुनेछ ।
भारत v/s पाकिस्तान हेड-टू-हेड
दुवै टीमको बीच अहिलेसम्म कुल १३१ खेल भएको छ । जसमा भारतीय टीमले ५४ पटक जितेका छन् बहने पाकिस्तानको टिमले ७३ खेल जितेको छ । चार खेलमा नतीजा बिहिन बनेको छ । वर्ल्डकपको कुरा गर्ने हो भने दुवै टिम यस अघि ६ पटक आमने-सामने भएकोमा सबै खेलमा भारतले जित हाँसिल गरेको छ ।
खेलाडीहरु
भारत: विराट कोहली (कप्तान), जसप्रीत बुमराह, युजवेन्द्र चहल, शिखर धवन, महेन्द्र सिंह धोनी (विकेटकीपर), रवीन्द्र जडेजा, केदार जाधव, दिनेश कार्तिक, भुवनेश्वर कुमार, हार्दिक पाण्डे, लोकेश राहुल, मोहम्मद शमी, विजय शंकर, रोहित शर्मा, कुलदीप यादव ।
पाकिस्तान: सरफराज अहमद (कप्तान), आसिफ अली, बाबर आजम, फख्र जमां, ह्यारिस सोहेल, हसन अली, इमाद वसीम, इमाम उल हक, मोहम्मद आमिर, मोहम्मद हफीज, मोहम्मद हसन्यान, शादाब खान, शाहीन अफरीदी, शोएब मलिक, वहाब रियाज ।
