शंखमुलमा भएको आगलागीमा एक जना घाइते
मुन्धुमस्टार
काठमाडौं । काठमाडौंको शंखमुलमा रहेको शानदार मःमः पसलमा आगलागी हुँदा एक जना घाइते भएका छन् ।
घाइते हुनेमा रामकृष्ण बुढाथोकी छन् । विष्फोटपछि आगो निभाउने क्रममा बुढाथोकीको अनुहार र दाहिने हातमा चोट लागेको हो ।
महानगरीय प्रहरी वृत्त, नयाँ बानेश्वरका डीएसपी गोविन्दराज काफ्लेका अनुसार उनको कीर्तिपुर मोडल अस्पतालमा उपचार भइरहेको छ ।
काफ्लेका अनुसार प्रारम्भिक अनुसन्धानले ग्यास सिलिण्डर विष्फोट भएर आगलागी भएको देखिएको छ । उक्त पसल टेकनारायण र हिरानायण श्रेष्ठले सञ्चालन गरेका थिए ।
आगलागीबाट करिब २५ लाखको क्षति भएको अनुमान गरिएको छ । थप अनुसन्धान जारी छ ।
