बालिकालाई यौन दुर्व्यवहार गर्ने प्रधानाध्यापक प्रहरी खाेरमा
काठमाडौं । ८ बर्षीय बालिकालाई यौन दुर्व्यवहार गरेका आरोपमा एक प्रधानाध्यापकलाई प्रहरी पक्राउ गरेको छ ।
ललितपुरको बाग्मती गाउँपालिकास्थित फुर्के डाँडा प्राविका प्रधानाध्यापक राम नारायण यादवलाई प्रहरी पक्राउ गरेको छ।
कक्षा ३ मा अध्ययनरत ८ बर्षीय बालिकालाई यौन दुर्व्यवहार गरेका आरोपमा महानगरीय प्रहरी वृत्त चापागाउँले यादवलाई पक्राउ गरेको हो । ती बालिकालाई प्रधानाध्यापक यादवले कक्षामा कोही नभएको मौका पारी यौन दुर्व्यवहार गरेको आरोप छ।
कक्षा ३ मा तीन जना विद्यार्थी अध्ययन गर्ने र जेठ १९ गते २ जना विद्यार्थी नआएको ती बालिका मात्रै पढ्न आएको बखरतमा प्रधानाध्यापक यादवले दर्व्यवहार गरेको स्थानीय प्रहरी चौकीमा उजुरी परेको थियो।
स्थानीय प्रहरी चौकीले मिलाउने प्रयास गरेको भन्दै आफन्तहरुले चापागाउँ प्रहरी चौकीमा उजुरी गरेपछि यादवलाई पक्राउ गरी अहिले चापागाउँ ल्याइएको पीडितका आफन्तले बताएका छन्।
