Logo

घट्टेकुलो विस्फोटमा विप्लव समूहको संलग्नता पुष्टि


काठमाडौं । घट्टेकुलोमा भएको विस्फोटमा नेकपा विप्लव समूहको संलग्नता पाइएको छ ।

लोकमञ्जरी कार्कीको घरको कोठामा भएको विस्फोटमा एक जनाको मृत्यु भएको छ भने अर्का एकजना घाइते भएका छन् ।

घाइते भएका रविन केसीको ट्रमा सेन्टरमा उपचार भइरहेको छ । उनी नेकपा विप्लव समूहसम्बद्ध विद्यार्थी संगठनका त्रिचन्द्र इकाई अध्यक्ष भएको पाइएको छ ।

विस्फोट स्थलमा थप विस्फोटक पदार्थ हुनसक्ने सम्भावना भएकाले सेनाको बम डिस्पोजल टोली आएको छ ।

१३ गतेको नेपाल बन्द सफल परौं भन्न पर्चा पनि भेटिएको प्रहरीले पुष्टि गरेको छ ।

 

यो पनि पढ्नुस ….! सुकेधारामा सिलिण्डर होइन कुकर बम विस्फोट ! 

काठमाडौं । प्रहरीले काठमाडौंको सुकेधारामा सिलिण्डर नभई कुकर बम विस्फोट भएको आशंका गरेको छ ।

आइतबार अपराह्न सुकेधाराको एक सैलुन र घट्टेकुलोमा एक घरमा विस्फोट भएको थियो । सुरुमा प्रहरीले समेत सिलिण्डर विस्फोट भएको खबर आएको बताएको थियो ।

तर, अनुसन्धानका क्रममा सिलिण्डर नभई बम विस्फोट भएको पाइएको छ । दुबै घटनास्थलमा सिलिण्डर भेटिएको छ तर, त्यसमा कुनै क्षति भएको छैन ।

घट्टेकुलोमा विप्लव समूहको नेपाल बन्द सफल पारौं भन्ने पर्चा भेटिएको छ भने घाइते भएका रविन केसी विप्लव समूहका विद्यार्थी नेता भएको पुष्टि भएको छ ।

सुकेधारामा विस्फोटपछि उद्दारमा संलग्नहरुले सिलिण्डर नभई कुकर बम विस्फोट भएको बताएका छन् ।

त्यहाँ पनि घटनास्थलमा सिलिण्डर भेटिएको छ तर, त्यसमा कुनै क्षति भएको छैन । प्रहरीले पनि दुबै घटनाको प्रकृति एउटै भएको बताएको छ ।

Key Alternative Media

Best selling an amazon. Buy now ! good for you

प्रतिक्रिया दिनुहोस्