Logo

साताव्यापी भ्रमणमा उपराष्ट्रपति पुन अष्ट्रिया जाँदै


काठमाडौं । उपराष्ट्रपति नन्दबहादुर पुन युरोपेली मुलुक अष्ट्रियाको साताव्यापी भ्रमणका लागि आज बिहान त्यसतर्फ जाँदै हुनुहुन्छ । उपराष्ट्रपति पुन अष्ट्रियाका राष्ट्रपति अलेक्जेण्डर भान द बेलेनको निमन्त्रणामा भियनामा जेठ १४ गते आयोजित जलवायुसम्बन्धी आर-२० विश्व शिखर सम्मेलनमा सहभागी हुन जान लाग्नुभएको उहाँका प्रेस संयोजक मनोज घर्तीमगरले जानकारी दिनुभयो ।

 

उहाँ कतार एयरवेजको विमानमार्फत बिहान ९ बजेर २० मिनेटमा दोहा हुँदै अष्ट्रिया प्रस्थान गर्नुहुनेछ । भ्रमण टोलीमा उपराष्ट्रपतिकी धर्मपत्नी हस्तमाली पुन, वन तथा वातावरणमन्त्री शक्तिबहादुर बस्नेतलगायत सहभागी हुनुहुनेछ । अष्ट्रिया भ्रमणका क्रममा उपराष्ट्रपति पुनले जेठ १४ गते आर–२० विश्व शिखर सम्मेलनमा सहभागी भएर नेपालको धारणा राख्नुहुनेछ ।

भ्रमणका क्रममा अष्ट्रियाका राष्ट्रपति अलेक्जेण्डर भान द बेलेनसँग शिष्टाचार भेट गर्नुहुने उहाँका प्रेस संयोजक मगरले बताउनुभयो । उपराष्ट्रपति पुन भियना अन्तर्राष्ट्रिय केन्द्रको ४० औँ वार्षिकोत्सवका अवसरमा भोली आयोजना हुने कार्यक्रममा सहभागी हुनुहुनेछ ।

अष्ट्रियामा रहँदा उपराष्ट्रपतिले अष्ट्रियास्थित नेपाली राजदूतावासले अन्तर्राष्ट्रिय सगरमाथा दिवसका अवसरमा आयोजना गर्ने कार्यक्रममा समेत सहभागी हुनुहुनेछ । भ्रमणका क्रममा उहाँले अष्ट्रियामा रहनुभएका नेपाली समुदायसँग अन्तरक्रिया गर्नुहुनेछ ।

भ्रमण सकाएर जेठ १८ गते उहाँको स्वदेश फर्कने कार्यक्रम रहेको छ । संयुक्त राष्ट्रसङ्घको दिगो विकासको लक्ष्य र पेरिस सम्झौताका जनादेश हासिल गर्न सहयोग हुने गरी अष्ट्रियामा हरेक वर्ष यो सम्मेलन हुँदै आएको छ । सम्मेलनमा विभिन्न मुलुकका राष्ट्रपति, उपप्रमुख तथा प्रधानमन्त्री सहभागी हुनुहुनेछ ।

Key Alternative Media

Best selling an amazon. Buy now ! good for you

प्रतिक्रिया दिनुहोस्