Logo

प्रदेश नं १ को नाम र राजधानी एक हप्ताभित्रै टुंगो लगाइने, किरात प्रदेश हुने कि नहुने ?


रान– प्रदेश नं १ को नाम र राजधानी एक साताभित्रै टुंगो लाग्ने भएको छ ।

प्रदेश नं १ का सभामुख प्रदिपकुमार भण्डारीले एक साताभित्रै प्रदेशको नाम र राजधानी टुंगो लाग्ने बताएका हुन् ।

धरान उपमहानगरपालिका–१९ लाई बालमैत्री वडा घोषणा कार्यक्रममा सभामुखले सो कुरा बताएका हुन् ।

प्रदेश नं १ लाई किरात प्रदेश नामाकरण गर्न सकिने उनले बताएका थिए ।

सभामुख प्रदिपकुमार भण्डारी

खासगरी किरात राई यायोक्खा लगायत जातीय संस्थाका प्रतिनिधिहरुले उनलाई भेट्दा उनले सो कुरा बताएका थिए ।

प्रदेश नाम र राजधानी घोषणा गर्नका लागि आगामी आइतबार संसदको बैठकमा प्रस्तावको मिति तोकिने उनले बताएका छन् ।

प्रदेशको नाम र राजधानी सकेसम्म सहमतिमै टुंगो लगाइने छ ।

तर सहमति हुन नसके मतदान प्रक्रियाबाट टुंगो लगाइने सभामुख भण्डारीको भनाइ छ ।

यायाेक्खाले किरात प्रदेश नाम राख्न दबाब दिदै आएकाे थियाे । तर पछिल्लाे समय यायाेक्खा चुपचाप छ ।

प्रदेश १ नाम र राजधानी यसरी राखिने : प्रदेश नं. १ मा नेकपाको दुई तिहाई बहुमतको सरकार रहेको छ । प्रदेशको नाम के राख्ने भनेर सरकारले ठोस कदम चाल्न सकेको छैन् । पहिचानको आधारमा नाम हुनु पर्ने माग गर्दै किरात राई यायोख्खा, संघीय लिम्बुवान परिषदलगायतका जातीय संस्था र समुहहरुले किरात, लिम्बुवान, खम्बुवानलगायतका नाम राख्न माग गर्दै आन्दोलन जारी राखेका छन् ।

यता पहिचानको आधारमा नाम राख्न माग गरिरहेको बेला सरकारको नेतृत्व गरिरहेको नेकपाले भने प्रदेशको नामा ‘कोसी’ राख्न सहमति जुटाएको श्रोतले बताएको छ । नेकपाका प्रदेश इञ्चार्ज भीम आचार्य, मुख्यमन्त्री शेरधन राई, प्रदेश अध्यक्ष देवराज घिमिरे, प्रदेश सचिव सावित्री काफ्लेलगायतसहित प्रदेश कमिटि ‘कोसी’ प्रदेशका लागि एक मत भएको प्रदेशका एक नेताले बताएका छन् ।

‘नाम लगभग पार्टीको तर्फबाट ‘कोसी’ सिफारिस गरेको छ । राजधानी विराटनगर राखी केही मन्त्रालय सुनसरी मोरङ र धनकुटामा राख्ने गरि छलफल भएको छ ।’–ती नेताले भने–संसद सचिवालय इटहरी बन्ने छ ।’ कोसी वा सगरमाथामा मात्र सहमति जुटाउने सकिने नेकपाले यस अघिदेखि नै भन्दैं आएको थियो । तर कोसीसँग किरात, लिम्बुवान या कुनै फुर्को भने नजोडिने गरि नाम राख्न सकिने सम्मको छलफल भएको एक नेताले बताएका छन् ।

मुख्यमन्त्री शेरधन राईले प्रदेशको नाम बैशाखा भित्रै टुङ्गाउने भनेर सार्वजनिक कार्यक्रममा बोल्दैं आएका छन् । यद्यपी सत्तारुढ दलले संसदीय दलमा भने छलफलमा ल्याएको छैन् । विकास समितिहरुको संयोजक तोकिए पछि नाम र राजधानीबारे संसदमा नै छलफल गर्ने तयारी पनि भइरहेको बताइएको छ ।

Key Alternative Media

Best selling an amazon. Buy now ! good for you

प्रतिक्रिया दिनुहोस्