Logo

‘भागवत गीता’ मा अभिनय गर्ने अझै फाइनल भएको छैनः अनमोल केसी


काठमाडौं – अभिनेता अनमोल केसी र सुहाना थापाको शीर्ष भूमिका रहेको फिल्म ‘ए मेरो हजुर ३’ यतिबेला प्रदर्शनरत छ ।

नयाँ वर्षको अवसर पारेर गत चैत्र २९ गते प्रदर्शन भएको यो फिल्मले व्यावसायिक रुपमा सफलता हासिल गरेको छ । रिलिज दिनदेखि नै फिल्मले दर्शकको राम्रै साथ पाएको छ । यद्यपि फिल्मले समीक्षात्मक रुपमा भने औसत प्रतिक्रिया पाएको थियो ।

फिल्म हेरेका दर्शकले अनमोल र सुहानाको जोडी सुहाएको प्रतिक्रिया दिएका छन् । फिल्म मसालेदार भएकाले पनि दर्शकले यो फिल्म रुचाएका छन् । सोही क्रममा अनमोल र सुहानाको जोडी दोहोरिने भन्दै झरना थापाको निर्देशकीय तेस्रो फिल्म ‘भागवत गीता’ मा अनमोल र सुहानाकै जोडी रहने भन्दै समाचार आइरहेका छन् ।

यता अभिनेता अनमोल केसीले भने फिल्ममा अभिनय गर्ने अझै पक्का नभएको प्रतिक्रिया दिए । ‘अनौपचारिक रुपमा कुरा भएको हो, तर फिल्मको स्किृप्ट नपढी फिल्ममा काम गर्ने भन्न सकिन्न, स्किृप्ट चित्त बुझ्यो भने काम गर्न सकिन्छ ।,’ अनमोलले भने ।

यता झरना थापाले भने फिल्ममा अनमोल र सुहानालाई पुनः शीर्ष भूमिकामा अभिनय गराएर अर्को फिल्म निर्देशन गर्ने तयारी गरेकी छिन् । झरनाले ‘भागवत गीता’ बनाउने योजना फिल्म ‘ए मेरो हजुर ३’ भन्दा पहिले नै बनाएकी थिइन् । यसअघि  कुराकानीमा उनले ‘ए मेरो हजुर ४’ भन्दा पहिले ‘भागवत गीता’ निर्माण गर्ने बताएकी थिइन् । -खबरहब बाट

Key Alternative Media

Best selling an amazon. Buy now ! good for you

प्रतिक्रिया दिनुहोस्