Logo

बिहानी एक जोवा घाम जुल्किंदै गर्दा


योगेश्वर खालिङ

उ बेला मेरि आमाको विशुद्ध प्राकृतिक
घडीअनुसार
असार मसान्तको बिहानी एक जोवा
घाम जुल्किंदै गर्दा जन्मिएको पनि
दुई मुरि पन्ध्र पाथी त नाघी पो गएछ गाँठे
लग भग यो दुई बिसा समय बिच
के के गरियो ? के के ? ?
तर ….

तर खासमा चै के के गरियो? साँची!?
नेताहरु झैं भाषण त पटक्कै गरिएन
न ताली न गाली केही पनि खाईएन
थत्त केही पो नापिएन छ त गाँठे

गरियो त केवल सानै उमेरमा
साहुको भारीसँग खाली खुट्टाले
जिरी देखि सल्लेरी र नाम्चे
कति नापियो कति
ऐसेलु खर्क र कटारी पनि धाईएकै हो
कति नाघिए निस्वार्थ हिउँका चुचुराहरु
कति कुल्चिएर भाँचिए तुषारोका करङहरु
तर केही पनि नापिएन

अँहँ केही नापिएन र हानिईएछ
बेपत्ता संग केवल निष्ठुरी मनहरुको शहर
अझ कठिन संघर्ष निर्दयीहरुको शहर
अनि कतै घोटेर हात पाउको धुलो र
पसिनाको धाराले पोतियो
रंगाईयो कति साहु महाजनको बिचित्र
ढुकुटीहरु
उनिहरुकै निम्ति आदि उदि जिन्दगि
पनि जोतियो
तब थकानै थकानमा बढदैछन बाँकि
पाहिलाहरु जिन्दगिको बाँकी मुरिहरु नाघ्नलाई
निरन्तर….निरन्तर ………………..!!!

 

Key Alternative Media

Best selling an amazon. Buy now ! good for you

प्रतिक्रिया दिनुहोस्