Logo

अमेरिकाको गोलीकाण्डमा चार जनाको मृत्यु


अमेरिकाको मेरिल्यान्डस्थित एक औषधि गृहमा कार्यरत महिलाले आफ्नै सहकर्मी साथीमाथि अन्धाधुन्ध गोली चलाउँदा तीन जनाको मृत्यु भएको छ । गोली चलाउने महिलाले आफै आत्महत्या गरेका छन् ।

औषधिको गोदाम घरमा सहकर्मीबीच विवाद बढ्दै गएपछि बिहीबार बिहान गोली चलेको थियो । घटनामा तीन जना गम्भीर घाइते भएका छन् । स्थानीय प्रहरी अधिकारी जेफ्री गाहलरले बाल्टीमोर निवासी स्नोचिया मोसेलीले चलाएको अन्धाधुन्ध गोलीबाट तीन जनाको मृत्यु भएको र केही घाइते भएको जानकारी दिएका छन् ।

प्रहरीले उक्त गोलीकाण्ड हुनुको मुख्य कारणको अनुसन्धान शुरु गरेको जनाएको छ । ती महिला आफैले आत्महत्या गरेकाले जवाफमा गोली नचलाएको प्रहरीले स्पष्ट पारेको छ ।

विगत दुई दिनभित्रै संयुक्तराज्य अमेरिकामा भएको यो तेस्रो ठूलो गोलीकाण्ड हो । बुधबार पनि विस्कन्सिन राज्यमा अन्धाधुन्ध गोली चलाउँद तीन जना गम्भीर घाइते भएका थिए । यसैगरी पेन्सिलभेनियामा एक व्यक्तिले चलाएको गोली लागेर एक जनाको मृत्यु हुनुका साथै चार जना घाइते भएका थिए

Key Alternative Media

‘मुन्धुम’ भनेको दर्शन हो भने ‘स्टार’ भनेको बिचार हो ।”

प्रतिक्रिया दिनुहोस्