चेल्सीको जितमा विलियन नायक, आर्सनलको विजयी सुरुवात
जेन्सी । इन्ग्लिश क्लब चेल्सीले युरोपा लिग फुटबलको समूह चरणमा विजयी सुरुवात गरेको छ ।
बिहिबार राति भएको समूह चरणको पहिलो खेलमा चेल्सीले ग्रिसको पिएओकेलाई १ – ० ले हराएको हो ।
पिएओकेको मैदानमा भएको खेलमा चेल्सीलाई साँघुरो जित दिलाउन विलियन नायक बने । पहिलो हाफको सातौं मिनेटमा विलियनले गोल गर्दै चेल्सीलाई जित दिलाए ।
यो जितसंगै समूह ‘एल’ मा रहेको चेल्सीले महत्वपूर्ण ३ अंक जोडेको छ । पिएओके अंकबिहिन रहेको छ ।
यसै समूहको अर्को खेलमा बेलारुसको बाटे बेरिसोभले हंगेरीको मोल भिडी एफसीलाई २ – ० ले हराएको छ । जितसंगै यस समूहमा बाटे शीर्ष स्थानमा छ । बाटे गोल अन्तरमा चेल्सीभन्दा अघि रहेको छ ।
आर्सनलको विजयी सुरुवात
इन्ग्लिश क्लब आर्सनलले युरोपा लिग फुटबलमा विजयी सुरुवात गरेको छ । बिहिबार राति भएको समूह चरणको पहिलो खेलमा आर्सनले युक्रेनको भोर्स्क्ला एफसी लाई ४ – २ ले हरायो ।
३२ औ मिनेटमा आबुमियाङको गोलमार्फत आर्सनलले अग्रता लिएको थियो । ड्यानी वेलबेकले ४८ औ मिनेटमा लण्डन क्लबको अग्रता दोब्बर पारे । आबुमियाङले ५६ औ मिनेटमा व्यक्तिगत दोस्रो गोल गरे ।
७४ औ मिनेटमा मेसुट ओजिलले आर्सनललाई ४–० को स्थितीमा पु¥याएका थिए । ७६ औ मिनेटमा पोल्टाभाका चेस्नाभोले एक गोल फर्काए । दोस्रो हाफको इन्जुरी समयमा भिएचास्लाभ सार्परले गोल गर्दै हार अन्तर ४–२ मा झारेका थिए ।
जितसंगै समूह ‘ई’ को आर्सनलले ३ अंक जोडेको छ ।
यसै समूहमा रहेको अर्को खेलमा पोर्चुगलको स्पोर्टिङ लिस्बोनले अजरबैजानको क्वाराबागलाई २ – ० ले हराएको छ ।
सेभियाको सहज जित, भिया रियलको बराबरी
। स्पेनिस क्लब सेभियाले युरोपा लिग फुटबलमा फराकिलो जित निकालेको छ ।
बिहिबार राति भएको समूह चरणको खेलमा सेभियाले बेल्जियमको स्टानडर्ट लिगलाई ५ – १ ले हराएको हो ।
घरेलु मैदानमा भएको खेलमा सेभियाका लागि इभर बनेगा र विसम बेन एड्डेरले समान २/२ गोल गरे ।
यस्तै फ्रान्को भाज्क्वेजले एक गोल गरे । स्टानडर्टका मौसा डेज्नेपोले एक गोल फर्काए ।
जितसंगै समूह ‘जे’ को सेभियाले ३ अंक जोडेको छ ।
युरोपा लिग अन्तर्गत नै अर्को स्पेनिस क्लब भिया रियल भने बराबरीमा रोकिएको छ ।
भिया रियल घरेलु मैदानमा स्कटल्याण्डको रेन्जेर्ससंग २ – २ को बराबरीमा रोकिएको हो ।
