एसिड आक्रमणका दोषी पत्तो लागेन
मुन्धुमस्टार
रौतहटको चन्द्रपुर । गत २६ गते एसिड प्रहारमा परेका दिदीबहिनीमध्ये एकको अवस्था गम्भीर बनेको छ । १८ वर्षीया सम्झनाकुमारी दास र उनकी बहिनी १५ वर्षीया सुस्मिताकुमारीमाथि राति १२ बजे ओछ्यानमै एसिड आक्रमण भएको थियो । हाल काठमाण्डौमा उपचार भइरहेको भएपनि अवस्था गम्भिर बन्दै गएको हो ।
उनीहरु तीजको अघिल्लो दिन साँझ परिवारसँग दर खाएर आफ्नो कोठमा सुत्न गएका थिए । घरमा आमा र कान्छी बहिनी पनि थिए । तर राती १२ बजे प्रहार गरिएको एसिडको पीडा सहन नसकेर दिदीबहिनी दौडेर आँगनको धारामा रुँदै नुहाउन थाले । अहिलेसम्म पनि यो दर्दनाक घट्नाको दोषी पत्तो लागेको छैन ।
