Logo

दुई सय ऋण तिर्न नसक्दा एक वर्ष जेल


मुलुकमा नयाँ अपराध संघीयता आएपछि, लेन–देन मुद्दामा सजिलो हुने विश्वास गरिएका बेला धनुषाका एक दलितले महाजनलाई दुई सय ऋण चुकाउन नसक्दा आइतबार एक वर्षको लागि जेल चलान गरिएको छ ।

जनकपुर उपमहानगरपालिका १८ कुवा रामपुरका ६० वर्षीय राधाकृष्ण खंग  आईतबार स्वयं जिल्ला अदालत धनुषामा हाजिर भई जेल चलान गरी दिन आग्रह गरेका थिए । ‘सुरुमा अदालतका कर्मचारीहरुले पक्राउ पूर्जी दिन आनाकानी गरेका थिए । पछि नागरिकता प्रमाणपत्र देखाए पछि, बल्ल जिल्ला प्रहरी कार्यालयलाई पत्र लेखे ।

प्राप्त जानकारी अनुसार – राधाकृष्ण खंगले गाउँकै बिक्रु भन्ने बिक्रम यादवसँग २०४६ साल श्रावण १५ गते घर खर्चको लागि १ हजार ऋण लिएका थिए । स्थानीय चलन अनुसार महाजन यादवले उनीसंग मूलधनको तीन गुणा ९३ हजार० को कपाली तमसुक बनाए । ऋण लिएको ९ महिना पछि २०४७ साल जेठ ९ गते उनले ८ सय बिक्रु महाजनलाई फर्काए ।

खंगका अनुसार–बाँकी रहेको २ सय मूलधन तथा २ सय ७० रुपैयाँ ब्याजको गरी कुल ४ सय ७० रुपैयाँको साँवा र ब्याज गरी २०४९ साल भदौ १५ गते २९ हजार मूलधन राखी अर्को कपाली तमसुक बनाइयो ।

२०६३ साल पुसमा जिल्ला अदालत धनुषाले उक्त रकमको साँवा व्याज गरी १ लाख ६५ हजार बिगो भराउने फैसला सुनाएको थियो । झण्डै १० वर्षसम्म फैसला कार्यान्वयन हुन नसके पनि उक्त मुद्दामा खंग आइतबार जेल चलान भएका हुन् ।

प्राप्त जानकारी अनुसार हाल उनले ३ लाख अधिक भुक्तान गर्नु पर्ने भएको छ । राधाकृष्ण खंगका अनुसार लेन देन मुद्दा छिनोफानो गर्न गाउँमा पटक पटक पञ्चायती भएपनि महाजन बिक्रम यादवले समझौता गर्न मानेनन् । ‘गाउँका भद्र भलादमीहरुले ९० हजार लिएर लेन देन मुद्दा मिलापत्र गर्न फैसला सुनाएका थिए ।

 


 

Key Alternative Media

Best selling an amazon. Buy now ! good for you

प्रतिक्रिया दिनुहोस्