धरासयी रंगशालामा अन्तराष्ट्रिय फुटबल प्रतियोगिता
मुन्धुमस्टार
काठमाडौं । ०७२ को भूकम्पले धरासयी बनाएको दशरथ रंगशालामा अन्तराष्ट्रिय फुटबल प्रतियोगिता हुने भएको छ । पूननिर्माण नै नसकिएको रंगशालामा माघ ९ देखि १७ गतेसम्म मदनभण्डारी इन्टरनेसनल फुटबल प्रतियोगिता हुने भएको हो ।
मदन भण्डारी स्पोर्टस एकेडेमीको आयोजनामा हुने उक्त प्रतियोगिता एन्फासँगको सहमतिमा सम्पन्न गर्न लागिएको जनाइएको छ । साथै एन्फाबाट फिफा र एएफसीबाट अन्तराष्ट्रिय मान्यता लिन पहल समेत भइरहेको छ ।
खेल लिक कम नकआउटका आधारमा खेलाइनेछ । एन्फाकै सहयोगमा दक्षिण कोरिया,भुटान, बंगालादेश, भारत, थाइल्याण्ड र चीनसँग कुरा भइरहेको भएपनि ४ वदेशी टिम र नेपालको २ टिममा थपघट हुनेछ खबर छ । प्रतियोगिताका विजेताले २५ हजार अमेरिकी डलर(२५ लाख) पाउने छ । दोश्रोले १० हजार डलर(१० लाख) पाउने छ ।
