Logo

कम्युनिस्ट सरकारका पुलिसभन्दा डाकू बलिया, मध्यराति लुटपाट


बर्दिवास – प्रधानमन्त्री केपी शर्मा ओली नेतृत्वको कम्युनिस्ट सरकार मातहत रहेको प्रहरी पछिल्लो समय कमजोर हुँदै गइरहेको छ ।

बलात्कार, हत्या र लुटपाटका घटना हुँदा पनि प्रहरी निरीह भइरहेका घटना बढिरहेका बेला महोत्तरीमा गोली प्रहार गरी लाखौंको धनमाल लुटपाट भएको छ । महोत्तरीको भंगहा नगरपालिका ६ जमुनियामा शुक्रबार मध्यराति १२ बजे गोली प्रहार गरी लुटपाट भएको हो । डाँकाहरुको समुहले भुजेलको घर घेरा हालेर २० मिनेटसम्म लुटपाट गरेका थिए ।

१० जनाभन्दा बढी संख्यामा आएका अज्ञात हतियारधारी समूहले प्रहार गरेको गोलीको छर्राले घरधनी ४५ वर्षीय अर्जुन भुजेल, उनकी श्रीमती ४२ वर्षीया अन्जु भुजेल, छोराहरु २५ वर्षीय अमित र १८ वर्षीय दिपेन्द्र तथा आफन्त सुमन बुढाथोकी घाइते भएका छन् । घाइतेको टाउकोमा चोट लागेको छ । उनीहरूको बर्दिवासस्थित शुभ स्वस्तिक अस्पतालमा उपचार भइरहेको ईलाका प्रहरी कार्यालय बर्दिवासले जनाएको छ ।

भुजेलको घरमा लुटपाट भइरहेको जानकारी पाएपछि मोटरसाइकल चढेर उद्धारको लागि आउँदै गरेका आफन्तहरुमाथि डाँका समूहले सुतली बम प्रहार गरेर रोकेको पीडितको भनाइ छ ।

डकैती भइरहँदा नजिकैको जमुनिया चोकमा ड्युटीमा खटिएका सशस्त्र र नेपाल प्रहरीसहितको टोलीलाई सहयोगको लागि गुहार माग्दासमेत प्रहरी घटनास्थल जान डराएको स्थानीयको भनाइ छ । प्रहरीले आफूहरुसँग हातहतियार नभएको भन्दै घटनास्थलमा जान नमानेको स्थानीयले बताएका छन् ।

डाँकाले नगद र गरगहनासहित करीव ८ लाख बराबरको गरहगना लुटेको पीडित परिवारको भनाइ छ । अर्जुनकी श्रीमती र आमाले कानमा लगाएको सुनका गहना डाँकाहरुले लुछेर लगेका छन् ।

यसैबीच लुटपाटबारे केही व्यक्तिहरुलाई नियन्त्रणमा लिई सोधपुछ गरिरहेको प्रहरीले जनाएको छ । घटनास्थलबाट रातो कपडामा बेरिएको सुतली बम र तीन थान गोलीको खोका फेला परेको जिल्ला प्रहरी कार्यालय महोत्तरीले जनाएको छ ।

Key Alternative Media

Best selling an amazon. Buy now ! good for you

प्रतिक्रिया दिनुहोस्