नियत -किराती स्पन्दन
मुन्धुमस्टार
नियत
॰॰॰
तीजको धून बजिरहेको छ
सिंगार पटार गरी
कम्मर मर्काउँदै
नाचिरहेका छन चौंक गल्लीहरुमा
हुल्का-हुल अधबैंशे दिदी बहिनीहरु
उता पर स्वागतमा
भर्खर
रंग रोगन गरिएको
रंगिन शहरमा
निर्लज्ज भै टालिएको सडकमा
सेना
प्रहरी
प्रसासनका
बिभागीय प्रमुखहरु बुट बजार्दै
स्यालुट मार्दैछन हस्तक्षेपकारी लाई
नेता र मन्त्रीहरु
फूलमाला
लिएर
लम्पसार पर्दैछन
झुठा राष्ट्रबादको भक्तिगान गाउँदै
यता भने अस्मिता लुटिदैछ
बलात्कृत हुदैछन
सेकेण्ड-सेकेण्डमा
हाम्रा बालिका र मेरो स्वाभिमान
हे ! पारुहाङ अब कसले बचाउँला
कसले सुन्ला मेरो देशको भयानक चित्कारहरु ?
