देउवाले फेरि सत्ता कब्जाको बखेडा झिके
मुन्धुमस्टार
विगतमा ‛सत्ता कब्जा’ भनिरहने शेरबहादुर देउवाले अझै त्यसो भन्न विर्सेका रहेनछन् । आज नेपाली कांग्रेसको पार्टी कार्यालयमा आयोजित अन्तरसम्बादमा उनले सो कुरा फेरि दोहोर्याएका छन् । पार्टीभित्र सत्ता कब्जा गरेको आरोप खेपीरहेका देउवाले उपस्थित नगर प्रमुख र उपप्रमुखहरुसँग फेरि ‛सत्ता कब्जा’ भइरहेको सुनाएका हुन् ।
उनले नेकपा नेतृत्वको सरकारले न्यायपालिका, प्रेस र सुरक्षालाई नियन्त्रणमा राख्ने प्रयास गरेको भनी कुरा काटेका छन् ।
त्यतिमात्रै होइन, देउवाले स्थानीय तहमा कर उठाउँदा कांग्रेसका जनप्रतिनिधिहरुले विशेष ध्यान दिन पनि
सुझाएका छन् । जे होस् देउवाले नेकपासँग फेरि सत्ता कब्जाको बखेडा झिकेकै छन् ।
